Marc 13:32 - Mbeti ti Nzapa - Tënë so amu fini

³² “Ti lango ti singo ti aye ni wala ngbonga ni, zo oko ahinga pepe: ataa *a-ange so ayeke na yayu, ataa Molenge ni; gi Babâ oko laa ahinga ni.

Marc 13:32 Referans Kwoze

Awatokua 1:7

Jésus akiri tënë na ala: “So ayeke tënë ti ala pepe ti hinga ngoi ni na ndembe ni. Biani, Babâ oko laa aleke na be ti lo na lege ti komandema ti lo.

Matthieu 25:13

Ti hunzi na ni, Jésus atene: “Ala lango pepe, ngbanga ti so ala hinga lango ni wala ngbonga ni pepe!”

Aye so Nzapa afa 3:3

Mo dabe ti mo na tënë so a fa na mo si mo ma ni ando so. Sara ye alingbi na ni, zia ngbene lege ti sarango ye ti mo. Tongana mo zingo pepe, fade mbi yeke ga na tere ti mo tongana zo ti nzi, mo yeke hinga ngoi so mbi yeke ga na ni pepe.

Matthieu 25:6

Na be ti bi, mbeni zo adekongo, atene: ‘Koli ni ayeke ga-oo! Ala sigigi ague na lege ti lo!’

2 Pierre 3:10

Lango ti gango ti Kota Gbia ayeke duti tongana gango ti zo ti nzi. Na lango ni so, nduzu ayeke hon si toto ni ayeke duti ngangu mingi; wâ ayeke gbi aye so ayeke na le ti nduzu, sese na aye so kue ayeke na ndö ni ayeke ngba pepe.

Matthieu 25:19

“Lango mingi na pekoni, makonzi ti azo ti kua so akiri; lo iri ala titene ala ga afa na lo peko ti ye so ala sara na nginza ni.

Aye so Nzapa afa 1:1

Mbeti so afa tënë ti aye so Jésus Christ afa na Jean na ya ti mbeni ye tongana bango-li. Nzapa amu lege na Christ ti fa ni si azo ti kua ti lo ahinga ye so Nzapa aleke titene asi fafadeso. Christ atokua *ange ti lo ti fa ye ni na Jean.

Marc 13:31

Fade yayu na sese ayeke hon, me atënë ti mbi ayeke hon oko pepe.”