Marc 12:5 - Mbeti ti Nzapa - Tënë so amu fini

⁵ Wa ti yaka ni akiri atokua mbeni zo ti kua ti lo, ala fâ lo. Na pekoni, ala sara gi tongaso na ambeni zo ti kua ni mingi: ala pika ambeni si ala fâ ambeni.

Marc 12:5 Referans Kwoze

Nzoni Tënë so Luc asu na mbeti 6:36

Ala sara nzoni be mingi na azo tongana ti so Babâ ti ala ayeke sara nzoni be mingi na azo.”

Marc 9:13

Mbi tene na ala: Élie aga ti lo awe si azo asara ye ti be ti ala na lo, tongana ti so Mbeti ti Nzapa atene tënë ni na ndö ti lo so.”

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Matthieu 22:6

Ambeni agbu azo ti kua ti gbia ni, apika ala si afâ ala.

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Néhémie 9:30

Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

Marc 12:4

Wa ti yaka ni akiri atokua mbeni zo ti kua ti lo, ala pika lo na li ti lo si ala sara kua ti mbana na lo.

Marc 12:6

Oko zo so angba na wa ti yaka ni ayeke gi molenge ti lo so lo ye lo mingi. Lo tokua lo na azo ti fango yaka ni si lo tene na be ti lo, lo tene: ‘Fade ala yeke kpe mbeto ti molenge ti mbi.’