Marc 12:34 - Mbeti ti Nzapa - Tënë so amu fini

³⁴ So Jésus abaa, lo kiri na tënë ni na lege ti ndara, lo tene na lo: “Mo yeke yongoro na *Kodro-gbia ti Nzapa pepe.” Na pekoni, mbeni zo oko akiri azi yanga ti hunda lo na tënë pepe.

Marc 12:34 Referans Kwoze

Kolose 4:6

Ayeke nzoni atënë ti yanga ti ala anzere nzerengo, asara nzoni na zo; ala hinga ti kiri tënë na zo na legeni.

Nzoni Tënë so Luc asu na mbeti 20:40

Nilaa, nzara ti kiri ti hunda lo na mbeni tënë asigigi na ya ti ala kue.

Matthieu 22:46

Zo oko na popo ti ala awara tënë ti tenengo ni na Jésus pepe. Ti londo na lango ni so, zo oko na popo ti ala azi yanga ti hunda lo na mbeni tënë pepe.

Galasii 2:19

Ti mbi, mbi kui kuâ ti Ndia lani awe si mbi sigigi na gbe ti Ndia ni titene fini so mbi yeke na ni ayeke ndali ti Nzapa; so ti tene, na ndembe so Christ akui na ndö ti keke ti kroa, mbi na lo laa e kui.

Rome 7:9

Ando, so mbi de ti hinga Ndia pepe, mbi yeke na fini; me so mbi hinga tënë ti ndia awe, siokpari awara lege ti duti na fini

Matthieu 12:20

Sosongo so a do ni na sese awe, lo yeke fâ ni pepe; lamba so wâ ni aye ti mingo, lo yeke mingo ni pepe, ngbii lo sara si ye ti mbirimbiri aso benda.

Matthieu 12:15

So Jésus ama tënë ti ye so ala ye ti sara na lo, lo londo na ndo so si lo hon. Gba ti azo amu peko ti lo, lo kai kobela ti ala kue.