Marc 10:41 - Mbeti ti Nzapa - Tënë so amu fini

⁴¹ So tanga ti adisiple baleoko ama tënë so, be ti ala aso na Jacques na Jean.

Marc 10:41 Referans Kwoze

Filipe 2:3

Ala sara ye na gbugburungo tere ti gi na kota ndo pepe, ala sara nga ye na lege ti kuru baba pepe. Me ala baa tere ti ala tongana akete zo, ala baa amba ti ala tongana azo so ayeke kota ahon ala.

Rome 12:10

Ala ye tere na popo ti ala tongana ti so a-ita ayeke ye tere; zo oko oko agi lege ti ne mba ti lo kozoni.

Amato 13:10

Kuru baba ayeke sara si papa alondo; me ndara ayeke ye ti azo ti mango wango.

Jacques 4:5

Tënë so Mbeti ti Nzapa atene: “Yingo so Nzapa azia na ya ti e, lo ye ni ngangu mingi”, ala baa ni tongana senge senge tënë pepe.

Nzoni Tënë so Luc asu na mbeti 22:24

Na pekoni, papa alondo na popo ti adisiple, ngbanga ti so ala ye ti hinga zo wa na popo ti ala si ayeke kota zo ahon atanga ni.

Matthieu 20:24

So tanga ti adisiple baleoko ama tënë so, be ti ala aso na a-ita use so.

Marc 10:42

Tongaso Jésus airi ala kue na tere ti lo si lo tene na ala: “Ala hinga so, azo so amba ti ala ayeke baa ala tongana amakonzi ti amara nde ayeke sara komandema na ndö ti amara ni. Akota zo ayeke na ngangu na ndö ti azo ti ala.

Nzoni Tënë so Luc asu na mbeti 22:25

Jésus atene na ala: “Agbia ti amara nde ayeke sara komandema na ndö ti amara ni. Azo so ayeke na komandema na ndö ti amara ni aye titene azo ni airi ala ‘Azo ti sarango nzoni be’.