Marc 1:44 - Mbeti ti Nzapa - Tënë so amu fini

⁴⁴ lo tene: “Mo tene tënë ni na zo oko pepe, me mo gue, mo fa tere ti mo na wayango-sandaga, mo mu *sandaga so Moïse amu yanga ando ti mungo ni so. Tongaso si mo fa na le ti azo kue so tere ti mo aga nzoni awe.”

Marc 1:44 Referans Kwoze

Nzoni Tënë so Luc asu na mbeti 17:14

So lo baa ala, lo tene na ala: “Ala gue, afa tere ti ala na awayango-sandaga.” Na lege ti guengo ni, tere ti ala aga *nzoni.

Matthieu 8:4

Na pekoni, Jésus atene na lo: “Ma mbi nzoni! Mo tene tënë ni na zo oko pepe; me mo gue, mo fa tere ti mo na wayango-sandaga titene lo baa mo, mo mu *sandaga so Moïse amu ando yanga ti mungo ni so, tongaso si mo fa na le ti azo kue so, tere ti mo aga nzoni awe.”

1 Korente 10:11

Aye so asi ando na akotara ti e titene e manda ye na lege ni. A su ni na mbeti ti gboto mê ti e, ngbanga ti so e yeke na ngoi so nda ti aye kue aga nduru ti si awe.

Rome 15:4

Atënë so kue a su ando na ya ti Mbeti ti Nzapa, a su ni titene e hinga ye na lege ni. Mbeti ti Nzapa ayeke mu na e lege ti kanga be ti e, ti mu ngangu na be ti e si e zia be ti e ti ku ye so Nzapa atene tënë ni.

Nzoni Tënë so Luc asu na mbeti 5:14

Jésus amu yanga na lo, atene: “Mo tene tënë ni na mbeni zo oko pepe! Me mo gue, mo fa tere ti mo na wayango-sandaga titene lo baa mo; na pekoni, mo mu *sandaga so Moïse amu yanga ando ti mungo ni so. Tongaso si mo fa na le ti azo kue so tere ti mo aga *nzoni awe.”

Marc 1:43

Jésus asuku na lo ngangu si gi na pekoni, lo tumba lo,

Awatokua 23:22

Kota komanda ti aturugu ni atene: “Tënë so mo tene na mbi so, mo tene tënë ni na mbeni zo pepe.” Na pekoni, lo zia molenge-koli ni ague.