Marc 1:35 - Mbeti ti Nzapa - Tënë so amu fini

³⁵ Na ndaperere, so ndo angba kâ, Jésus azingo, lo sigigi na ya ti gbata ni si lo gue ti sambela na mbeni ndo so zo ayeke daa pepe.

Marc 1:35 Referans Kwoze

Nzoni Tënë so Luc asu na mbeti 6:12

Mbeni lâ, Jésus ague na li ti mbeni hoto ti sambela; lo sambela Nzapa na bi ni so kue.

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

Nzoni Tënë so Luc asu na mbeti 5:16

Me Jésus agboto tere ti lo, lo gue na mbeni ndo so zo ayeke daa pepe si lo sambela.

Abia (Psaumes) 5:3

Gbia ti mbi, Nzapa ti mbi, zia mê ti mo kpoo, mo ma iringo ndo ti mbi; mo laa mbi yeke sambela mo.

Ahebro 5:7

Na ngoi so Jésus ayeke na sese so, lo hinga so Nzapa alingbi ti soo lo na kuâ. Lo sambela, lo voro tere ti lo na Nzapa, lo dekongo, lo toto na ngu ti le. Nzapa ama lo, ngbanga ti so lo sara tere ti lo kete si lo ma yanga ti Nzapa.

Jean 6:15

Jésus ahinga atene, azo ni aye ti ga ti mu lo na ngangu ti sara si lo ga gbia. Nilaa lo gboto tere ti lo, lo gue, lo duti na ndö ti hoto gi lo oko.

Matthieu 14:23

So lo zia lege na ala si ala gue awe, lo gue na li ti hoto yongoro kâ ti sambela. So ndo avuko awe, lo ngba ti duti kâ gi lo oko.

Filipe 2:5

Ayeke nzoni sarango ye na popo ti ala alingbi na ti azo so aga oko na Jésus Christ.

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Abia (Psaumes) 109:4

Ataa so mbi ye ala, ala yeke bi tënë na li ti mbi; me ti mbi, mbi ngba na ya ti sambela.

Matthieu 14:13

So Jésus ama tënë so, lo londo na ndo so, lo ko na ya ti ngo si lo gue na mbeni ndo so zo ayeke daa pepe. Gba ti azo ama a tene, lo hon; ala londo na ya ti agbata nde nde si ala mu peko ti lo na gere.

Marc 1:36

Simon na amba ti lo alondo si ala yeke gi lo.