Malashii 3:5 - Mbeti ti Nzapa - Tënë so amu fini

⁵ Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Malashii 3:5 Referans Kwoze

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

Ndia ti fani use ni 5:11

“Alingbi mo di iri ti mbi KOTA GBIA Nzapa ti mo senge senge pepe. Biani, zo so adi iri ti mbi senge senge, mbi yeke zia lo senge pepe.

Jacques 5:4

Ala baa, azo so ayeke sara kua ti fango ale ti kobe ti ayaka ti ala, ala ke ti futa nginza ti ala na ala. Mbana ti ala ni ayeke dekongo! Dekongo ti azo ti fango ale ti kobe ti ala ni asi na mê ti *Kota Gbia so ayeke na ndö ti dunia kue.

Malashii 2:14

Ala hunda ndo, atene: “Ye tongaso asi ngbanga ti nyen?” – Asi ngbanga ti ye tongaso: Na dawa ti KOTA GBIA laa zo oko oko amu tere na wali ti lo ti maseka; wali ni ayeke mba ti lo, lo na wali ni aga oko na lege ti *mbuki so ayeke na popo ti ala. Me zo ni abuba lege ti mbuki ni na wali ni awe!

Ndia ti fani use ni 27:19

‘Deba aga na ndö ti zo so afâ ngbanga ti wande, ti nyindu na ti wali-mua na legeni pepe!’ Fade azo kue ayeke kiri tënë, atene: ‘Amen!’

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Awayango-sandaga 20:27

“Tongana mbeni koli wala mbeni wali ayeke hunda yingo ti akuâ, fade a yeke fâ ala: a yeke bo ala na têne si ala kui. Ngbanga ti mene ti ala ayeke kiri na li ti ala wani.”

Awayango-sandaga 20:6

“Zo so agi lege ti hunda yingo ti akuâ, so ayeke tongana vorongo anzapa nde, fade mbi yeke ga na tere ti lo si mbi yeke tumba lo na popo ti azo ti Israel.

Awayango-sandaga 19:13

“Alingbi ala sara sioni na amba ti ala pepe, ala nzi ala pepe. Zo so asara kua na ala, ala gbanzi futa ti lo ngbii asi kekereke pepe.

Malashii 2:17

Ala woko KOTA GBIA na atënë ti ala. Ala hunda ndo, atene: “Atënë ti nyen laa e woko lo na ni?” Ala woko lo na lege ti tënë so ala yeke tene: “Zo so asara ye ti sioni, lo laa lo yeke nzoni zo na le ti KOTA GBIA. Mara ti azo tongaso laa be ti KOTA GBIA anzere na ala”; wala ala yeke tene: “Nzapa so ayeke fâ ngbanga mbirimbiri so ayeke na ndo wa?”

Jérémie 29:23

Ye so ayeke si na ala, ngbanga ti so ala sara kota ye ti kamene na sese ti Israel. Biani, ala lango na awali ti amba ti ala si ala tene, ani yeke tene peko ti atënë ti yanga ti mbi, ataa so mbi mu yanga na ala oko pepe. Mbi hinga ye so kue si mbi baa ye so kue.” So tënë ti yanga ti KOTA GBIA laa.

Amato 16:6

Zo so asara nzoni be na amba ti lo si azo alingbi ti zia be ti ala na ndö ti lo, a yeke zi sioni ti lo. Kpengo mbeto ti KOTA GBIA asara si zo akpe lege ti sioni ye.

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Abia (Psaumes) 98:9

na dawa ti KOTA GBIA! Biani, lo yeke ga ti fâ ngbanga ti azo ti sese so. Fade lo yeke fâ ngbanga ti azo ti dunia so mbirimbiri, lo yeke fâ ngbanga ti azo na legeni.

Rome 3:8

Ngbanga ti nyen si e lingbi ti tene pepe, e tene: “E sara ye ti sioni si nzoni ye asigigi daa”? Biani, ambeni zo ni ayeke zonga mbi si ala yeke du mvene na li ti mbi atene, mbi laa mbi tene tënë so. Ti azo ni so, ala lingbi titene Nzapa afâ ngbanga na li ti ala!

Mishe 1:2

Ala amara kue, ala ma si! Mo, sese na aye so kue ayeke na ndö ti mo, ala dingi mê ti ala, ala ma si! Ti londo na da ti lo so ayeke nde si ayeke nzoni kue, Kota Gbia NZAPA ayeke ga ti bi tënë na li ti ala.

Abia (Psaumes) 96:13

na dawa ti KOTA GBIA! Biani, lo yeke ga, lo yeke ga ti fâ ngbanga ti azo ti sese; lo yeke fâ ngbanga ti azo ti dunia so mbirimbiri, lo yeke fâ ngbanga ti azo na lege ti taa-tënë.

Abia (Psaumes) 81:8

So lani mo yeke na ya ti ye ti ngangu si mo dekongo na mbi so, mbi zi mo na ya ni. Mbi kiri tënë na mo na ya ti mbinda; mbi tara be ti mo na tere ti ngu ti Meriba. Luti kete

Néhémie 5:15

Agovoronere so ayeke lani kozoni na mbi ayeke zia anengo kungba na ndö ti azo. Ala yeke hunda gi kobe na vin na maboko ti azo ni pepe, me ala yeke hunda nga titene azo ni azia ale ti nginza baleosio na ndö ni. Ataa azo ti kua ti agovoronere ni asara ngangu mingi na azo ni. Me mbi, mbi sara tongaso pepe, ngbanga ti so mbi kpe mbeto ti Nzapa.

Ndia ti fani use ni 24:17

Moïse atene: Ala buba ya ti ngbanga ti wande wala ti nyindu pepe. Ala gbu bongo ti wali-mua ti bata ni ndali ti yongo ti ala pepe.

Awayango-sandaga 20:10

“Tongana mbeni koli agi wali ti mba ti lo, alingbi a fâ ala use kue, koli ni na wali ni.

Sigingo 18:21

Fade mo yeke soro nga na popo ti azo ni ambeni zo so alingbi, ala so ayeke kpe mbeto ti Nzapa, ala so azo ane ala, ala so ake tënë ti goro, mo zia ala tongana amakonzi. Mo zia ambeni na ndö ti azo saki oko, ambeni na ndö ti azo ngbangbo oko, ambeni na ndö ti azo baleoku si ambeni na ndö ti azo baleoko.

Sigingo 1:17

Me awali so ayeke mu molenge na tere ti awali akpe mbeto ti Nzapa; ala ke ti sara ye alingbi na yanga so gbia ti Ezipte amu na ala. Tongaso ala zia amolenge-koli angba na fini.

Tongo nda ti aye 42:18

Na lango ota ni, Joseph atene na ala: “Ye so mbi tene na ala so, ala sara ni si ala ngba na fini, ngbanga ti so mbi yeke zo so mbi yeke kpe mbeto ti Nzapa.

Jacques 5:12

Gi ye oko, a-ita ti mbi, alingbi ala deba na iri ti yayu, wala na iri ti sese, wala na iri ti mbeni ye pepe. Me tongana ala yeda na mbeni tënë, ala tene gi “een, mbi yeda”; tongana ala ke mbeni tënë, ala tene “ên-en, mbi ke”. Tongaso si ala ti na gbe ti ngbanga ti Nzapa pepe.

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.

Nzoni Tënë so Luc asu na mbeti 23:40

Me mba ti lo ni asuku na lo, atene: “Mo kpe mbeto ti Nzapa pepe? Mo nga, mo yeke baa gi mara ti pasi so lo yeke baa so!

Abia (Psaumes) 36:1

Bia ti David, zo ti kua ti *KOTA GBIA. Bia so ayeke ndali ti makonzi-bia.

Tongo nda ti aye 20:11

Abraham akiri tënë, atene: “Mbi tene na be ti mbi, mbi tene: ‘Azo so ge so ahinga ti ala ti kpe mbeto ti Nzapa oko pepe. Fade ala yeke fâ mbi ndali ti wali ti mbi.’

Ndia ti fani use ni 18:10

Ala azo ti Israel, alingbi a wara na popo ti ala pepe mbeni zo oko so ayeke gbi molenge ti lo ti koli wala molenge ti lo ti wali ti mu na *sandaga. Alingbi a wara na popo ti ala pepe azo ti sarango mazi, azo ti bango nda ti aye, azo ti bingo zeke, azo ti yoro,

Ésaïe 57:3

Ala ga nduru, ala so mama ti ala ayeke zo ti gingo nda ti aye, ala azo ti gingo wali ti amba ti ala, ala azo ti sarango ye ti ndumba so!

Jérémie 5:2

Ala yeke deba yanga ti ala, atene: “*KOTA GBIA ayeke na fini!” Andaa so ayeke dengo ba ti mvene.

Jérémie 5:29

Fade mbi yeke ga na tere ti azo tongaso pepe? Ti mara ti azo tongaso, mbana alingbi na mbana pepe? So tënë ti yanga ti KOTA GBIA laa.

Jérémie 23:10

“Kodro so asi singo na azo ti sarango aye ti ndumba. Sese ni ayeke na mua ndali ti adengo ba, ndo ti tengo pere ti anyama ahole kasakasa. Azo ni ayeke kpe gi na peko ti ye ti sioni; be ti ala awoko pepe na sarango ye so akpa pepe.

Jérémie 27:9

“Ti ala, ala ma awayanga-Nzapa ti ala pepe, ala ma azo ti bango nda ti aye ti ala pepe, ala ma azo ti fango nda ti abango-li pepe, wala azo so ayeke fa nda ti ambinda wala azo so ayeke sara aye ti mazi. Azo ni kue ayeke tene na ala atene, fade ala yeke ti na gbe ti gbia ti Babilone pepe.

Jérémie 27:10

Me ye so azo ni ayeke tene na ala na peko ti yanga ti mbi so ayeke mvene. Tongana ala ma azo ni, fade a yeke gue na ala yongoro na sese ti ala. Biani, fade mbi yeke kangbi ala kirikiri si ala yeke kui.

Jérémie 42:5

Ala kiri tënë na Jérémie: “E deba yanga ti e ti sara ye alingbi gi na tënë so KOTA GBIA, Nzapa ti mo ayeke fa na mo ti tene na e. Ayeke nzoni lo duti taa lo so ayeke bi tënë na li ti e tongana e sara ye alingbi na tënë ti yanga ti e ni pepe!

Habakuk 1:12

*KOTA GBIA, ngbene ye giriri, mo yeke Nzapa ti mbi pepe? Nzapa ti mbi, mo so mo yeke nde si mo yeke nzoni kue, zia e kui pepe! KOTA GBIA, mo soro azo so titene ala fâ ngbanga na li ti e. Mo so mo yeke Kota Têne so mbi luti na ndö ni ti bata tere ti mbi, mo mu lege na ala titene ala pika e.

Zakarii 11:12

Tongaso mbi tene na ala: “Tongana ala baa nzoni na le ti ala, ala mu na mbi futa ti mbi. Tongana ala ye pepe, ala zia ni!” Nilaa ala diko ale ti nginza baleota si ala mu na mbi.

Sigingo 20:7

“Alingbi mo di iri ti mbi KOTA GBIA Nzapa ti mo senge senge pepe. Biani, zo so adi iri ti mbi senge senge, mbi yeke zia lo senge pepe.

Sigingo 22:20

“Awande so alango na ndo ti ala, alingbi ala sara sioni na ala pepe wala ala sara ngangu na ala pepe. Biani, ala nga, ala yeke lani awande na sese ti Ezipte.

Ndia ti fani use ni 15:13

Me tongana ala zi lo, ala zia lo titene lo gue maboko ti lo senge pepe.

Mbeti ti Job 7:2

Zo ayeke tongana ngbaa so ayeke na le ti lâ si lo yeke gi gbe ti de; lo yeke tongana senge zo ti kua so ayeke ku futa ti lo.

Mbeti ti Job 31:12

Ka sioni ti mbi ayeke tongana wâ so agbi mbi ngbii asi na ndo ti akuâ; wâ ni ayeke buba aye so kue mbi wara.

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’