Malashii 3:15 - Mbeti ti Nzapa - Tënë so amu fini

¹⁵ Ti fadeso, e lingbi ti tene: azo ti baba laa ayeke duti nzoni. Ataa azo ti sioni, aye ti ala ayeke ga nzoni. Tongana ala gi yanga ti Nzapa, ye oko ayeke sara ala pepe!’ ”

Malashii 3:15 Referans Kwoze

Malashii 2:17

Ala woko KOTA GBIA na atënë ti ala. Ala hunda ndo, atene: “Atënë ti nyen laa e woko lo na ni?” Ala woko lo na lege ti tënë so ala yeke tene: “Zo so asara ye ti sioni, lo laa lo yeke nzoni zo na le ti KOTA GBIA. Mara ti azo tongaso laa be ti KOTA GBIA anzere na ala”; wala ala yeke tene: “Nzapa so ayeke fâ ngbanga mbirimbiri so ayeke na ndo wa?”

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

Ahebro 3:9

Kâ, akotara ti ala agi yanga ti mbi, ala tara be ti mbi si ala baa aye so mbi sara

Awatokua 12:21

So lango ni alingbi awe, Herode ayu bongo ti lo ti gbia, lo duti na ndö ti mbata ti lo ti gbia si lo yeke tene tënë na ala na le ti azo kue.

Awatokua 5:9

Tongaso Pierre atene na lo: “Ngbanga ti nyen si mo na koli ti mo, ala leke na be ti ala ti tara Yingo ti *Kota Gbia so? Baa, akoli so alu koli ti mo ayeke na yanga ti da. Fade ala yeke mu nga mo ti gue na mo!”

Daniel 6:16

Me awato ti Daniel akiri aga na loro na ndo ti gbia si ala tene na lo, atene: “Gbia, ayeke nzoni mo hinga, mo tene, na lege ti ndia ti azo ti Medii na ti Perse, tongana gbia asu maboko na gbe ti mbela wala na gbe ti ndia awe, zo alingbi ti mingo ngangu ni pepe.”

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Jérémie 7:10

Na pekoni, ala yeke ga ti luti na le ti mbi na ya ti kota da so a di iri ti mbi daa si ala yeke tene: ‘Nzapa asoo e awe!’ si ala ngba ti sara asioni ye so kue ti gue na ni?

Amato 12:12

Zo ti sioni asara nzara ti ye so asioni zo awara; me azo ti mbirimbiri ayeke tongana keke so agunda ni agbu sese si ale anzoni lengo ni.

Abia (Psaumes) 106:14

Na benyama, nzara ti aye so atia ala ahon ndö ti ala; na ndo so ngu ayeke daa pepe, ala tara be ti Nzapa.

Abia (Psaumes) 95:9

Kâ, akotara ti ala agi yanga ti mbi, ala tara be ti mbi, ataa so ala baa ye so mbi sara.

Abia (Psaumes) 78:56

Me azo ti Israel atara be ti Nzapa, Nzapa so ayeke na yayu kâ na ndö ti aye kue; ala sara ngangu li na lo, aye so lo hunda na ala ti sarango ni, ala sara ye alingbi na ni pepe.

Abia (Psaumes) 78:41

Ala kiri atara be ti Nzapa, ala kiri azia vundu na be ti Nzapa ti Israel, lo so lo yeke nde si lo yeke nzoni kue so.

Abia (Psaumes) 78:18

Taa na be ti ala, ala tara be ti Nzapa, ala hunda lo ti mu na ala kobe ti tengo ni alingbi na ye so be ti ala aye.

Abia (Psaumes) 73:12

Baa, azo ti sioni so laa: mbeni ye ti so be ti ala ayeke daa pepe, mosoro ti ala angba ti gue na nduzu.

Abia (Psaumes) 49:18

ngbanga ti so na lango ti kuâ ti lo, lo yeke gue na ye oko pepe, anzoni ye ti lo ayeke mu nga peko ti lo oko pepe.

Abia (Psaumes) 10:3

Zo ti sioni ni apika kate ti lo ndali ti aye so nzara ni ayeke na be ti lo; so lo wara aye ni awe, lo zonga KOTA GBIA, lo he lo na ngia.

Mbeti ti Job 22:23

Tongana mo kiri na mbage ti lo so ngangu ti lo ahon angangu kue, fade lo yeke zia mo na ndo ti mo. Me ye ti sioni, mo zia yongoro na da ti mo.

Mbeti ti Job 21:30

Na lango so ye ti ngangu ayeke si, zo ti sioni ayeke sigigi na ya ni, ngonzo ti Nzapa ayeke wara lo pepe.

Mbeti ti Job 12:6

Ya ti da ti *azaragina ayeke na siriri, azo so ayeke gi yanga ti Nzapa ayeke duti kpoo, ngangu ti ala wani, ala baa ni tongana nzapa ti ala.

Esther 5:10

Me Haman akanga be ti lo si lo gue na da ti lo. Na pekoni, lo tokua titene a iri amba ti lo so lo na ala aye tere mingi nga na wali ti lo Zeresh.

1 Korente 10:9

E tara be ti Christ pepe tongana ti so ambeni na popo ti akotara asara ando si angbo ate ala, ala kui so.

Abia (Psaumes) 58:2

Ala akota zo, fango ngbanga so ala yeke fâ so, ala fâ ni mbirimbiri laa? Fango ngbanga so ala yeke fâ so, ala fâ biani na legeni laa?

Abia (Psaumes) 141:4

Sara si be ti mbi ague na lege ti sioni pepe, sara si mbi sara aye ti sioni pepe legeoko na azo ti sarango sioni. Ayeke nzoni anzerengo kobe ti ala andu yanga ti mbi pepe.

Zo ti bongbingo azo 8:14

Me na ndö ti sese so, ambeni ye ti senge senge ayeke daa: sioni so a lingbi fade ti sara na azo ti sioni, a kiri a sara ni na azo ti mbirimbiri; nzoni so a lingbi fade ti sara na azo ti mbirimbiri, a kiri a sara ni na azo ti sioni. Mbi tene tënë ni awe: ye so nga ayeke gi senge senge.

Ésaïe 2:22

Ala zia be ti ala na ndö ti zo pepe! Fini ti lo ayeke gi pupu so ayeke sigigi na hon ti lo. Lo yeke nyen?

Mbeti ti Job 1:22

Na ya ti aye so kue, Job asara siokpari pepe; lo bi mbeni sioni tënë na li ti Nzapa pepe.

Abia (Psaumes) 73:3

Biani, mbi baa aye ti azo ti baba ayeke ga nzoni si mbi sara kota be na tere ti azo ti sioni so.