Malashii 2:6 - Mbeti ti Nzapa - Tënë so amu fini

⁶ Ala fa gi taa-tënë na azo si mbeni tënë ti mvene asigigi na yanga ti ala pepe. Ala tambula na mbi na siriri, na legeni. Ala sara si azo mingi azia lege ti sarango ye ti sioni.

Malashii 2:6 Referans Kwoze

Daniel 12:3

Azo so le ti ala ahan, fade ala yeke za tongana lumiere ti le ti nduzu. Azo so amu maboko na ambeni zo mingi ti ga azo ti mbirimbiri, fade ala yeke su lakue lakue tongana atongoro.

Aye so Nzapa afa 14:5

Mbeni tënë ti mvene oko asigigi na yanga ti ala pepe; sioni ye oko ayeke na tere ti ala pepe.

Jérémie 23:22

Tongana ala duti fade na ya ti bongbi ti mbi, ka ala yeke tene peko ti atënë ti mbi na azo ti mbi biani; ka ala yeke sara si azo ni azia ngbene lege ti sarango ye ti ala si azo ni azia nga sioni sarango ye ti ala.”

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Nzoni Tënë so Luc asu na mbeti 20:21

Ala hunda lo, atene: “Wafango-ye, e hinga so mo yeke tene tënë si mo yeke fa ye gi na legeni mbirimbiri; mo yeke mu mbage ti zo oko pepe, me mo yeke fa mbirimbiri lege ti sarango ye so Nzapa aye.

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Abia (Psaumes) 37:30

Zo ti mbirimbiri ayeke tene atënë ti ndara; menga ti lo ayeke sigigi na tënë ti mbirimbiri.

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Tongo nda ti aye 6:9

Tënë ti sewa ti Noe ayeke tongaso: Na popo ti azo ti ngoi ti Noe, lo yeke mbeni zo ti mbirimbiri, tënë ayeke na li ti lo pepe, lo tambula na Nzapa.

Marc 12:14

Ala ga si ala tene na lo: “Wafango-ye, e hinga so mo yeke tene gi taa-tënë; mo yeke sara kamene ti le ti zo pepe, ataa zo ni ayeke na kota ndo, me mo yeke fa taa-tënë na ndö ti lege ti sarango ye so Nzapa aye. Tene na e: *Ndia amu lege na e ti futa lapo na kota gbia ti Rome wala ti futa ni pepe? E lingbi ti futa ni wala e futa ni pepe?”

Ndia ti fani use ni 33:10

Ala yeke fa atënë ti ndia ti mo na azo ti mara ti Jacob, ala yeke fa ndia ti mo na azo ti Israel. Ala yeke zö dukani si ala yeke ya *asandaga so a yeke gbi ni kue na wâ na ndö ti gbalaka ti mo.

Ndia ti fani use ni 33:8

Ndali ti mara ti Lévi, Moïse atene: “KOTA GBIA, lani Urim na Tumim ayeke ti azo ti mara ti Lévi so ayeke taa azo ti kua ti mo; azo ti mo so mo tara be ti ala lani na Masa si mo gi tënë na ala na ngu ti Meriba so.

Ndia ti fani use ni 33:9

Ala baa babâ na mama ti ala tongana azo pepe, ala baa amolenge ti ala na a-ita ti ala tongana azo pepe; me ala bata tënë ti yanga ti mo, ala sara ye alingbi na *mbuki ti mo.

Abia (Psaumes) 37:37

Mo baa zo so alingbi kue, mo baa zo so sarango ye ti lo ayeke na legeni: zo so aye tënë ti siriri, fade ahale ti lo ayeke duti nzoni.

Abia (Psaumes) 119:142

Mbirimbiri ti mo ayeke mbirimbiri so ayeke lakue lakue, ndia ti mo ayeke taa-tënë.

Abia (Psaumes) 119:151

Me mo KOTA GBIA, mo yeke nduru na mbi, atënë ti ndia ti mo kue ayeke taa-tënë.

1 Samuel 2:12

Amolenge ti Heli ayeke asioni zo mingi. Ala yeke kpe mbeto ti *KOTA GBIA pepe.

Amato 5:2

Tongaso, fade mo yeke bata atënë ti mbi so ayeke sara si le ti mo ahan si mo yeke hinga nda ti atënë so mo yeke tene.