Malashii 1:11 - Mbeti ti Nzapa - Tënë so amu fini

¹¹ Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Malashii 1:11 Referans Kwoze

Ésaïe 54:5

Biani, koli ti mo ayeke duti lo so lo sara mo; iri ti lo ayeke ‘KOTA GBIA so ayeke na ndö ti dunia kue’. Lo so lo zi mo ayeke Nzapa ti Israel so ayeke nde si ayeke nzoni kue, lo so azo adi iri ti lo ‘Nzapa ti sese kue’.

Ésaïe 45:6

Tongaso, ti londo na To asi na Do, azo ayeke hinga atene, mbeni nzapa nde ayeke daa pepe, gi mbi oko. Mbi laa mbi yeke KOTA GBIA, mbeni nde ayeke daa pepe.

Aye so Nzapa afa 5:8

So lo mu ni awe, aye osio so ayeke na fini na akangba baleuse na osio kue akuku na gbe ti lo. Ala kue ayeke na akundi nga na akopo ti lôro so yombo asi singo na ya ni; yombo ni ayeke sambela ti azo ti Nzapa.

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Zakarii 8:7

Tënë so KOTA GBIA so ayeke na ndö ti dunia kue atene ayeke so: Azo ti mbi so a gbu ala si a gue na ala na akodro ti mbage ti To nga na ti mbage ti Do, fade mbi yeke zi ala.

Abia (Psaumes) 50:1

Bia ti Asaf. Nzapa, *KOTA GBIA Nzapa atene tënë: Ti londo na mbage so lâ ayeke londo daa ngbii asi na mbage so lâ ayeke kui daa, lo iri dunia kue ti ga.

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

Abia (Psaumes) 141:2

Ayeke nzoni sambela ti mbi aga tongana dukani so guru ni ayeke ma na nduzu na dawa ti mo; maboko ti mbi so mbi yoro na nduzu aga tongana *sandaga ti lakui.

Abia (Psaumes) 67:2

Nzapa, ayeke nzoni mo baa mawa ti e, mo sara tufa na ndö ti e! Ayeke nzoni mo baa e na nzoni le! Luti kete

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

1 Timothée 2:8

Mbi ye si akoli asambela na ndo kue, na yorongo maboko ti ala na nduzu, maboko so ayeke *nzoni, na ngonzo na be ti ala pepe, na tënë ti papa pepe.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

Rome 15:16

si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

Nzoni Tënë so Luc asu na mbeti 1:10

Na ndembe so a yeke zö ka dukani, azo kue ayeke ngba na gigi si ayeke sambela.

Malashii 1:14

Deba aga na ndö ti zo ti mayere so lo yeke na nzoni koli-nyama na popo ti anyama ti lo! Lo mu fade yanga ti mu nzoni nyama ni na mbi na sandaga, me na pekoni, lo mu gi nyama so mbeni mbage ti tere ti lo abuba awe. Biani, mbi yeke kota gbia so amara nde ayeke kpe mbeto ti mbi. Tënë so KOTA GBIA so ayeke na ndö ti dunia kue atene laa.”

Sofonii 3:9

“Tongaso, fade mbi yeke ndu poro ti yanga ti amara titene aga *nzoni si ala kue alingbi ti di iri ti mbi *KOTA GBIA, ala kue ayeke sara kua ti mbi na be oko.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Mishe 5:4

Lo wani laa lo yeke mu siriri na azo. “Tongana azo ti Asirii aga ti mu kodro ti e si ala li na ya ti ayangbo ti agbia ti e, fade e yeke tokua azo ti li ni mbarambara na amakonzi miombe ti tiri bira na ala.

Amos 9:12

Tongaso, atanga ti sese ti azo ti mara ti Edom na ti amara nde, sese so a di iri ti mbi daa so, fade azo ti Israel ayeke mu ni titene aga ti ala.” So tënë ti yanga ti *KOTA GBIA laa, lo so lo yeke sara aye ni so.

Ésaïe 59:19

Tongaso, ti londo na To ngbii asi na Do, fade azo ayeke kpe mbeto ti iri ti KOTA GBIA, azo kue ayeke kpe mbeto ti gonda ti lo. Biani, fade lo yeke ga tongana *bale so asua ngangu si pupu ti KOTA GBIA ayeke pusu ni.

Abia (Psaumes) 113:3

Ti londo na ndo so lâ ayeke londo daa asi na ndo so lâ ayeke kui daa, ayeke nzoni azo asepela iri ti KOTA GBIA!

Matthieu 8:11

Mbi tene na ala so fade azo mingi ayeke londo na mbage ti To, ambeni ayeke londo na mbage ti Do ti ga ti duti na ya ti matanga ti tengo kobe na *Kodro-gbia ti yayu, ala na Abraham, Isaac na Jacob.

2 Tesalonike 1:12

Tongaso, fade ala yeke sara si iri ti Kota Gbia ti e Jésus awara gonda, lo yeke sara si ala nga awara gonda. Ye so nzoni be ti Nzapa ti e na ti Kota Gbia Jésus Christ ayeke sara laa.

Wungo ti azo 7:74

Lo mu kopo ti lôro oko so nengo ni ayeke grame 100, dukani asi ya ti kopo ni.

Abia (Psaumes) 45:17

Gbia, amolenge ti mo ayeke duti ande na ndö ti mbata ti akotara ti mo; mo yeke sara si ala ga amakonzi na ndö ti sese kue.

Abia (Psaumes) 48:10

Nzapa, so e yeke na ya ti kota da ti mo, e yeke dabe ti e na nzoni be ti mo.

Abia (Psaumes) 111:9

KOTA GBIA atokua titene a zi azo ti lo na gbe ti ngbaa, lo na azo ti lo ni aga ambuki kpu na kpu. Iri ti lo ayeke nde si ayeke nzoni kue, ayeke zia mbeto na be ti zo.

Ésaïe 12:4

Na lango ni so, ala yeke tene: “Ala mu singila na KOTA GBIA, ala mu iri lo ti lo na nduzu! Ala tene na azo kue tënë ti akota ye so lo sara, ala dabe ti azo kue na iri ti lo so ayeke kota.

Ésaïe 12:5

Ala he bia na KOTA GBIA, ngbanga ti so lo sara akota ye. Ala tene tënë ni na azo ti sese kue!”

Ésaïe 66:18

*KOTA GBIA atene: “Mbi hinga ye so ala yeke sara nga na tënë ti be ti ala. Lango ni alingbi awe ti bongbi amara kue na azo ti ayanga ti kodro kue. Ala yeke ga ti baa gonda ti mbi.

Jérémie 10:6

KOTA GBIA, mbeni Nzapa tongana mo ayeke daa pepe! Mo yeke kota, iri ti mo nga ayeke kota na lege ti ngangu ti mo.

Jérémie 10:7

Mo so mo yeke gbia ti amara kue, zo wa laa alingbi ti kpe mbeto ti mo pepe? So laa alingbi titene azo asara na mo. Na popo ti azo ti ndara ti dunia so nga na ya ti akodro-gbia kue, mbeni zo tongana mo ayeke daa pepe.

Daniel 2:45

Mo baa nga têne so zo andu ni oko pepe, alondo na ndö ti hoto abo wen, bengba wen, sese ti sarango na ta, wen ti nginza na lôro ti yanda ni si afâ ya ni kue. Kota Nzapa afa na mo, gbia, ye so ayeke si gbanda. Bango-li ni ayeke taa-tënë biani; nda ni so mbi fa ayeke nga ye so mo lingbi ti zia be ti mo na ndö ni.”

1 Mbai 16:25

Biani, KOTA GBIA ayeke kota, lo lingbi titene azo asepela lo mingi! Lo yeke sara ye ti ziango mbeto na be ti zo si lo yeke na ndö ti anzapa kue.

Abia (Psaumes) 48:11

Nzapa, azo ayeke gonda mo ngbii asi na nda ti sese kue, ala hinga mo ngbii asi na nda ti sese kue. Maboko ti mo ti koli asi singo na sarango ye ti mbirimbiri.

Abia (Psaumes) 65:9

Azo so ayeke na nda ti sese kue, fade ala yeke sara mbeto ti mo ndali ti aye ti kpene so mo yeke sara. Na mbage ti To, na mbage ti Do, mo sara si azo adekongo na ngia.

Abia (Psaumes) 86:9

Kota Gbia, amara so kue mo sara ala, fade ala yeke ga ti kuku na gbe ti mo si ala yeke gonda iri ti mo.

Abia (Psaumes) 96:8

Ala mu na KOTA GBIA gonda so alingbi na iri ti lo. Ala ga na *sandaga, ala li na ya ti gbagba ti kota da ti lo.

Abia (Psaumes) 138:5

Ayeke nzoni ala he bia na KOTA GBIA ndali ti alege ti sarango ye ti lo, ala tene: “Gonda ti KOTA GBIA ayeke kota mingi!”

Ésaïe 19:21

KOTA GBIA ayeke sara si azo ti Ezipte ahinga lo; na lango ni so, ala yeke hinga lo si ala yeke sara na lo na mungo na lo asandaga nga na anzoni ye. Ala yeke mu zendo na KOTA GBIA si ala yeke sara ye ti peko ti zendo ni.

Ésaïe 30:27

Baa, *KOTA GBIA wani alondo yongoro si lo yeke ga. Ngonzo ti lo ayeke tongana wâ so ayeke nika ye si ayeke gbi ndo. Yanga ti lo asi singo na ngonzo; menga ti lo ayeke tongana wâ so ayeke gbi ye kue.

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Malashii 3:3

Fade lo yeke duti tongana matawa so ayeke kporo wen ti nginza ti zi azende na tere ni. Fade lo yeke sara si azo ti mara ti Lévi aga *nzoni tongana ti so a yeke zi azende na tere ti lôro nga na wen ti nginza. Tongaso ala lingbi ti mu *sandaga na KOTA GBIA alingbi na tënë ti ndia.