Nzoni Tënë so Luc asu na mbeti 9:20 - Mbeti ti Nzapa - Tënë so amu fini

²⁰ Lo hunda ala, lo tene: “Me ti ala, ala tene mbi yeke zo wa?” Pierre akiri tënë na lo: “Mo yeke *Mesii so alondo na Nzapa.”

Nzoni Tënë so Luc asu na mbeti 9:20 Referans Kwoze

Jean 7:41

Ambeni atene ti ala: “Lo laa lo yeke *Mesii ni!” Ambeni atene: “Mesii ni alingbi ti londo na Galile si aga?

Jean 4:29

“Ala ga abaa mbeni koli so atene na mbi tënë ti aye so kue mbi sara. Wala Mesii ni laa?”

Awatokua 17:3

lo fa nda ni na ala si lo fa nga na azo ni, lo tene: “Alingbi *Mesii abaa pasi, lo zingo na kuâ. Jésus so mbi yeke fa tënë ti lo so, lo laa lo yeke Mesii ni.”

Awatokua 9:22

Me Saul ayeke kpengba lakue na lege ti fango tënë; lo yeke fa biani so Jésus ayeke *Mesii. Nilaa azuife ti Damas ahinga tënë so ala lingbi ti kiri ni na lo pepe.

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 11:27

Marthe akiri tënë, atene: “Biani, Kota Gbia! Mbi ma na be so mo yeke *Mesii, Molenge ti Nzapa so aga na dunia so.”

Jean 4:42

Azo ni atene na wali ni: “Gi ndali ti tënë so mo tene laa e ma na be pepe, me e wani, e ma lo. E hinga biani so lo yeke taa Wasongo azo ti dunia so.”

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Jean 1:41

Kozo zo so André awara lo ayeke ita ti lo Simon; André atene na lo: “E wara *Mesii awe.” – Nda ti Mesii atene “Christ”. –

Marc 8:29

Jésus ahunda ala, atene: “Me ti ala, ala tene mbi yeke zo wa?” Pierre atene na lo: “Mo yeke *Mesii.”

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.

Awatokua 8:36

So ala ngba na lege ti gue, ala si na ndo so ngu ayeke daa. Mbaiwa ni atene: “Baa, ngu laa; nyen laa akanga lege na mbi ti wara bateme?” [

Nzoni Tënë so Luc asu na mbeti 22:67

Ala hunda lo, atene: “Tongana mo yeke *Mesii, tene na e.” Lo kiri tënë na ala: “Tongana mbi tene na ala, ala yeke ma na be pepe.

Marc 14:61

Me Jésus azi yanga pepe, lo kiri tënë oko pepe. Kota wayango-sandaga ni akiri ahunda lo, atene: “Mo laa mo yeke *Mesii, Molenge ti Nzapa, lo so azo ayeke gonda lo so?”

Matthieu 22:42

“Ti be ti ala, ala tene nyen na ndö ti *Mesii? Lo yeke molenge ti zo wa?” Ala kiri tënë na lo: “Lo yeke Molenge ti David.”

Matthieu 5:47

Tongana ala yeke bara gi a-ita ti ala, ye so ala sara ahon tanga ti azo na ni ayeke nyen? Azo so ahinga Nzapa pepe ayeke sara nga tongaso pepe?

Matthieu 26:63

Me Jésus azi yanga oko pepe. Kota wayango-sandaga atene na lo: “Mbi hunda na mo ti deba yanga ti mo, na iri ti Nzapa so ayeke na fini, mo tene na e: Mo yeke *Mesii, Molenge ti Nzapa?”

Nzoni Tënë so Luc asu na mbeti 9:19

Ala kiri tënë, atene: “Ambeni atene, mo yeke Jean-Baptiste; ambeni atene, mo yeke Élie si ambeni atene nga, mo yeke mbeni wayanga-Nzapa ti ando so azingo na kuâ.”