Nzoni Tënë so Luc asu na mbeti 8:8 - Mbeti ti Nzapa - Tënë so amu fini

⁸ Ambeni le ni atuku na nzoni sese; ala kono si ala oko oko ale ngbangbo oko.” So Jésus atene tënë so awe, lo dekongo, lo tene: “Zo so ayeke na mê ti mango ndo, ayeke nzoni lo ma tënë so!”

Nzoni Tënë so Luc asu na mbeti 8:8 Referans Kwoze

Matthieu 11:15

Zo so ayeke na mê ti mango ndo, ayeke nzoni lo ma tënë so!

Aye so Nzapa afa 2:11

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade lo yeke kui kuâ ti use ni oko pepe.”

Aye so Nzapa afa 2:7

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo lege ti te le ti keke so ayeke mu fini na zo si ayeke na ya ti *paradi ti Nzapa.”

Marc 4:20

Ambeni zo ayeke tongana ale ti kobe so atuku na nzoni sese; ala ma tënë ni, ala yeda na ni si ala le: ambeni ale baleota, ambeni ale baleomene si ambeni ale ngbangbo oko.”

Marc 4:8

Ambeni le ni atuku na nzoni sese, ala sigigi, ala kono si ale: ambeni ale baleota, ambeni ale baleomene si ambeni ale ngbangbo oko.”

Matthieu 13:23

Ambeni zo ayeke tongana nzoni sese so ale ti kobe atuku daa: ala ma tënë ni si ala ma ya ni nzoni. Ala le nzoni: ambeni ale ngbangbo oko, ambeni ale baleomene si ambeni ale baleota.”

Amato 20:12

Mê so ayeke ma na ndo nga na le so ayeke baa na ndo, ala use kue, KOTA GBIA laa asara ala.

Nzoni Tënë so Luc asu na mbeti 8:15

Ambeni zo ayeke tongana nzoni sese so ale ti kobe atuku daa; ala ma tënë ni na be so ayeke mbirimbiri si ayeke nzoni. Ala bata tënë ni si ala kanga be ti ala ti le lakue.”

Jérémie 13:15

Ala ma si! Ala dingi mê ti ala! Ala baa tere ti ala tongana akota zo pepe. *KOTA GBIA laa ayeke tene tënë so.

Amato 8:1

Ndara ayeke to mbela ti iri azo, hingango ye atene tënë na kota go. Ala azo, ala ma ni pepe?

Tongo nda ti aye 26:12

Isaac alu kobe na kodro ni si na ngu ni so, lo wara kobe fani ngbangbo oko ahon ti so lo lu, ngbanga ti so KOTA GBIA asara tufa na ndö ti lo.

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Jérémie 25:4

KOTA GBIA amu ngoi ti lo kue ti tokua na ala azo ti kua ti lo so kue ayeke awayanga-Nzapa. Me ala, azo ti Juda, ala ma pepe; ala ke ti dingi mê ti ala ti ma.

Marc 4:23

Zo so ayeke na mê ti mango ndo, ayeke nzoni lo ma tënë so!”

Marc 7:16

Tongana mbeni zo ayeke na mê ti mango ndo, ayeke nzoni lo ma!”]

Nzoni Tënë so Luc asu na mbeti 8:7

Ambeni le ni atuku na popo ti apere ti ki; apere ni akono legeoko na ale ti kobe ni si akanga ndö ti ala kue.

Nzoni Tënë so Luc asu na mbeti 14:35

Alingbi ti sara nzoni na sese, wala na yaka pepe; a yeke tuku ni na gigi. Zo so ayeke na mê ti mango ndo, ayeke nzoni lo ma tënë so!”

Aye so Nzapa afa 3:6

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Aye so Nzapa afa 3:13

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Aye so Nzapa afa 13:9

“Zo so ayeke na mê ti mango ndo, ayeke nzoni lo ma tënë so!