Nzoni Tënë so Luc asu na mbeti 6:28 - Mbeti ti Nzapa - Tënë so amu fini

²⁸ Ala sara tufa na ndö ti azo so adeba ala, ala sambela ndali ti azo so asara ngangu na ala!

Nzoni Tënë so Luc asu na mbeti 6:28 Referans Kwoze

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

1 Korente 4:12

E yeke wara kobe ti yanga ti e na gbiki ti li ti e. Azo ayeke zonga e, me e yeke sara tufa na ndö ti ala; azo ayeke sara ngangu na e, me e yeke kanga be ti e;

Rome 12:14

Ala sara tufa na ndö ti azo so ayeke sara ngangu na ala; ala sara tufa na ndö ti azo, me ala deba ala pepe.

Jacques 3:10

Nzoni tënë na dengo ba alondo gi na yanga oko so si ayeke sigigi. A-ita ti mbi, alingbi ye ni aduti tongaso pepe.

Nzoni Tënë so Luc asu na mbeti 23:34

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.

Nzoni Tënë so Luc asu na mbeti 6:27

“Me mbi tene na ala, ala so ayeke ma mbi so: Ala ye awato ti ala, ala sara nzoni na azo so ake ala!

Matthieu 5:44

Ti mbi, mbi tene na ala: ala ye awato ti ala! Ala sambela ndali ti azo so ayeke sara ngangu na ala!

Awatokua 7:60

Na pekoni, lo kuku na sese si lo dekongo ngangu, lo tene: “Kota Gbia, zi siokpari so na li ti ala!” Na peko ti tënë so, lo kui.

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Awatokua 14:5

Azo ti amara nde na azuife, ala na amakonzi ti ala ama tere ti sara pasi na awatokua ni, ti bo ala na têne.

Ezekiel 36:5

tënë so mbi Kota Gbia NZAPA, mbi tene ayeke so: Mbi deba yanga ti mbi! Na lege ti ngonzo ti mbi so alondo tongana wâ, mbi tene tënë so na tere ti amara nde nga na tere ti Edom kue, ngbanga ti so ala mu sese ti mbi ti ga ye ti ala. Be ti ala asi singo lani na ngia, ala baa kodro ti mbi tongana mbumbuse ye si ala nzi ando so anyama ayeke te pere daa.

Ezekiel 25:15

“Tënë so mbi Kota Gbia NZAPA, mbi tene ayeke so: Azo ti Filistii asara ye ti kiri na peko ti sioni na azo ti Israel; na lege ti sioni baba ti be ti ala laa, ala kiri na peko ti sioni ti ke awato ti ala kpu na kpu; nilaa ala fâ awato ti ala ni kue kue kue.

1 Agbia 13:6

Gbia amu tënë si lo tene na zo ti Nzapa so, lo tene: “Mbi gbu gere ti mo, mo toto na KOTA GBIA, Nzapa ti mo titene ngonzo ti lo ade. Mo sambela lo ndali ti mbi titene mbi kiri na maboko ti mbi na tere ti mbi.” Zo ti Nzapa so asambela si ngonzo ti KOTA GBIA ade; gbia akiri na maboko ti lo na tere ti lo tongana ti kozoni.