Nzoni Tënë so Luc asu na mbeti 6:1 - Mbeti ti Nzapa - Tënë so amu fini

¹ Na mbeni *lango ti wungo tere, Jésus ayeke hon na ya ti ayaka ti *ble; adisiple ti lo afâ ambeni li ti ble ni, ala foro ni na ya ti maboko ti ala si ala yeke te.

Nzoni Tënë so Luc asu na mbeti 6:1 Referans Kwoze

Ndia ti fani use ni 23:25

Moïse atene: Tongana ala hon na ya ti yaka ti *vinye ti mba ti ala, ala lingbi ti te ale ti vinye ni tongana ti so be ti ala aye, ngbii ya ti ala asi; me alingbi ala zia mbeni na ya ti sakpa ti gue na ni pepe.

Awayango-sandaga 23:7

Na kozo lango ti yenga ni, ala yeke bongbi ti voro mbi; kua so ala yeke sara lakue, ala sara ni pepe.

Sigingo 12:15

KOTA GBIA akiri atene na Moïse na Aaron: “Na ya ti lango mbarambara, fade ala yeke te mapa so a sara na mama ni pepe. Gi na kozo lango ni, ala zi mama ti mapa na ya ti ada ti ala. Ti londo na kozo lango ni ti si na mbarambara lango ni, zo so ate mapa so a sara na mama ni, fade a yeke tumba lo na popo ti azo ti Israel.

Ndia ti fani use ni 16:9

Moïse atene: Ala azo ti Israel, ti londo na lango so ala yeke to nda ti fâ ale ti *ble, fade ala yeke diko yenga mbarambara.

Awayango-sandaga 23:15

“Lango oko na peko ti *lango ti wungo tere, so ti tene ngbene ye na lango so ala mu gba ti le ti kobe titene a ya na nduzu ti fa atene, a mu na mbi, fade ala yeke diko yenga kue mbarambara.

Nzoni Tënë so Luc asu na mbeti 5:39

Zo so anyon ngbene vin awe, lo ye ti nyon fini vin pepe, ngbanga ti so lo baa lo tene, ngbene ni laa anzere.”

Nzoni Tënë so Luc asu na mbeti 6:6

Na mbeni lango nde ti wungo tere, Jésus ali na ya ti da ti sambelango Nzapa si lo yeke fa ye na azo. Kâ, mbeni koli ayeke daa so maboko ti lo ti koli abuba.