Nzoni Tënë so Luc asu na mbeti 3:10 - Mbeti ti Nzapa - Tënë so amu fini

¹⁰ Gba ti azo ni ahunda Jean, atene: “Nyen laa e lingbi ti sara?”

Nzoni Tënë so Luc asu na mbeti 3:10 Referans Kwoze

Awatokua 2:37

So azo ni ama tënë so, tënë ni agbu be ti ala mingi si ala hunda Pierre na ambeni watokua ni, atene: “A-ita, nyen laa alingbi e sara?”

Nzoni Tënë so Luc asu na mbeti 3:14

Aturugu nga ahunda lo, atene: “Ti e, nyen laa e lingbi ti sara?” Lo tene na ala: “Ala sara ngangu na azo pepe ti mu nginza ti ala, ala tene nga tënë ti mvene na li ti azo pepe ti mu nginza ti ala, me ala zia be ti ala gi na ndö ti futa ti ala.”

Awatokua 16:30

Na pekoni, lo mu ala, lo sigigi na ala si lo hunda ala, lo tene: “Akota zo, fade mbi yeke sara nyen titene mbi soo kuâ?”

Nzoni Tënë so Luc asu na mbeti 3:8

Ala sara ye so afa atene, ala zia ngbene lege ti sarango ye ti ala awe! Ala tene na be ti ala pepe, atene: ‘Abraham ayeke kotara ti e!’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Awatokua 9:6

Me mo londo, mo li na ya ti gbata ni. Kâ, fade a yeke fa na mo ye so mo lingbi ti sara.”

Nzoni Tënë so Luc asu na mbeti 3:12

Azo ti rongo nginza ti lapo nga aga titene Jean abatize ala. Ala tene na lo: “Wafango-ye, nyen laa e lingbi ti sara?”

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.