Nzoni Tënë so Luc asu na mbeti 23:35 - Mbeti ti Nzapa - Tënë so amu fini

³⁵ Azo ni aluti kâ si ala yeke baa ndo. Amakonzi ti azuife ayeke he lo, atene: “Lo soo ambeni zo na kuâ. Tongana lo yeke *Mesii so Nzapa asoro lo biani, ayeke nzoni lo soo tere ti lo wani na kuâ fadeso!”

Nzoni Tënë so Luc asu na mbeti 23:35 Referans Kwoze

Abia (Psaumes) 22:17

Gba ti azo ti sioni angoro mbi kue, ala yeke tongana ambo so angoro tere ti mbi; ala koro ya ti amaboko ti mbi na agere ti mbi.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

1 Pierre 2:4

Ala ga nduru na *Kota Gbia, lo so lo yeke têne so ayeke na fini; têne so azo ake ni, me Nzapa asoro ni si lo baa ni ayeke nzoni na le ti lo.

Nzoni Tënë so Luc asu na mbeti 16:14

*Afarizien so aye nginza mingi so, ama tënë so kue si ala yeke he Jésus na ngia.

Matthieu 12:18

“Baa, zo ti kua ti mbi laa, lo so mbi soro lo, lo so mbi ye lo mingi, lo so be ti mbi anzere na lo mingi. Mbi yeke zia Yingo ti mbi na ndö ti lo si lo yeke fa lege ti sarango ye ti mbirimbiri na amara nde.

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Abia ti demango tere 3:14

Azo ti kodro ti mbi kue ayeke he mbi; lakue azo ayeke he bia gi na iri ti mbi.

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Abia (Psaumes) 71:11

Ala yeke tene: “Nzapa azia lo awe, ala tumba peko ti lo, ala gbu lo; mbeni zo ti zi lo ayeke daa pepe!”

Abia (Psaumes) 69:26

Ayeke nzoni bâbâ ti ala abuba kue si zo oko akiri aduti na da ti ala ti bongo pepe,

Abia (Psaumes) 35:15

Me so mbi ti awe, ala bongbi tere ti ala ti he mbi; awande, azo so mbi hinga ala pepe, ala bongbi tere ti ala ti dekongo na li ti mbi lakue.

Abia (Psaumes) 4:2

Nzapa ti mbi, mo laa mo yeke fâ ngbanga ti mbi na legeni; kiri tënë na mbi tongana mbi iri mo. So mbi yeke ando na ya ti ye ti ngangu, mo laa mo zi mbi na ya ni. Baa mawa ti mbi, ma sambela ti mbi!

Nzoni Tënë so Luc asu na mbeti 23:13

Pilate airi akota wayango-sandaga, amakonzi na azo ti kodro

Nzoni Tënë so Luc asu na mbeti 23:39

Mbeni oko ti asioni zo so a kanga ala na ndö ti keke ti kroa azonga Jésus, atene: “Mo yeke Mesii pepe? Mo soo tere ti mo wani na kuâ si mo soo nga e ma!”