Nzoni Tënë so Luc asu na mbeti 22:66 - Mbeti ti Nzapa - Tënë so amu fini

⁶⁶ So ndo ahan awe, *akangba ti azuife na akota wayango-sandaga na awafango-ndia abongbi tere ti ala. Ala mu Jésus ague na lo na gbe ti azo ti *Kota Bongbi ti Fango Ngbanga ti ala.

Nzoni Tënë so Luc asu na mbeti 22:66 Referans Kwoze

Marc 15:1

Gi na kota ndaperere, akota wayango-sandaga, *akangba, awafango-ndia na azo kue ti *Kota Bongbi ti Fango Ngbanga abongbi ti ma tere. Ala kanga Jésus, ague na lo si azia lo na maboko ti Pilate.

Matthieu 27:1

Na ndaperere, akota wayango-sandaga kue na *akangba ti azuife abongbi ti fâ ngbanga ti kuâ na li ti Jésus.

Awatokua 22:5

Kota wayango-sandaga na bongbi ti *akangba kue alingbi ti fa so, tënë so mbi yeke tene ayeke taa-tënë. Ala laa amu na mbi lani ambeti so ala tokua na a-ita, azuife ti Damas. Nilaa mbi gue kâ ti gbu azo ni ti kanga ala na zingiri ti kiri na ala na Jérusalem titene a sara pasi na ala.”

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Jean 18:28

Na ndaperere, ala mu Jésus na ndo ti Kaife, ague na lo na da ti govoronere. Amakonzi ti azuife ali na da ni pepe, ngbanga ti so ala ye ti bata tere ti ala *nzoni si ala lingbi ti te kobe ti *Pake.