Nzoni Tënë so Luc asu na mbeti 21:28 - Mbeti ti Nzapa - Tënë so amu fini

²⁸ Tongana aye ni so ato nda ti singo ni, ala gbu ngangu, ala mu li ti ala na nduzu, ngbanga ti so Nzapa aga nduru ti zi ala na ya ti pasi awe!”

Nzoni Tënë so Luc asu na mbeti 21:28 Referans Kwoze

Rome 8:23

Gi aye ti dunia oko pepe si ayeke dema: e so e wara Yingo tongana kozo nzoni ye so Nzapa amu na e, e nga, e yeke dema na ya ti be ti e ti ku titene Nzapa asara si e ga amolenge ti lo, so ti tene lo zi e na gbe ti ngbaa, e na tere ti e kue.

Efeze 4:30

Ala mu vundu na Yingo-Vuru pepe. Yingo-Vuru ayeke tongana nzoroko so Nzapa azia na tere ti ala ti fa so ala yeke ti lo. Na lege ti Yingo-Vuru, Nzapa akiri afa so mbeni lâ, fade lo yeke zi ala na ya ti siokpari biani biani.

Rome 8:19

Aye so kue Nzapa asara ayeke na nzara mingi ti ku ti baa amolenge ti Nzapa so lo yeke fa ande ala polele.

Nzoni Tënë so Luc asu na mbeti 18:7

Azo so Nzapa asoro ala si ala yeke toto na lo bi na lâ so, fade lo yeke fâ ya ti ngbanga ti ala pepe? Fade lo yeke ku ngbii si lo mu maboko na ala?

Efeze 1:14

Yingo so e wara afa atene, anzoni ye so Nzapa abata ndali ti e, e yeke wara ni kue na ndembe so a yeke zi e na ya ti sioni biani biani. Tongaso, ayeke nzoni e sepela gonda ti Nzapa!

Nzoni Tënë so Luc asu na mbeti 13:11

Mbeni wali ayeke kâ; sioni yingo ayeke na ya ti lo asara ngu baleoko na miombe awe. Sioni yingo ni asara si peko ti lo aba bango, lege ti lo ti luti mbirimbiri ayeke daa pepe.

Nzoni Tënë so Luc asu na mbeti 21:29

Na pekoni, Jésus atene na ala mbeni toli, lo tene: “Ala baa keke ti fige na ambeni keke kue!