Nzoni Tënë so Luc asu na mbeti 19:46 - Mbeti ti Nzapa - Tënë so amu fini

⁴⁶ Lo tene na ala: “A su na ya ti Mbeti ti Nzapa, atene: ‘Da ti mbi ayeke duti ande da ti sambelango Nzapa.’ Me ti ala, ala sara si da ni aga tongana du so azo ti nzi ayeke honde tere ti ala daa!”

Nzoni Tënë so Luc asu na mbeti 19:46 Referans Kwoze

Ésaïe 56:7

fade mbi yeke sara si ala ga na ndö ti hoto ti mbi so ayeke nde si ayeke nzoni kue. Mbi yeke sara si be ti ala asi singo na ngia na ya ti da so a yeke sambela mbi daa. Asandaga so a yeke gbi ni kue na wâ nga na asandaga nde nde so ala yeke ya na mbi na ndö ti gbalaka, mbi yeke yamba ni. Biani, fade azo ayeke iri da ti mbi, ‘Da ti sambela ti amara kue.’ ”

Jérémie 7:11

Kota da so a di iri ti mbi daa so, ala baa ni tongana du so azo ti nzi ayeke honde tere ti ala na ya ni? Ye so mbi wani, mbi baa laa; so tënë ti yanga ti KOTA GBIA laa.

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Ezekiel 43:12

So ndia ti kota da ni laa: sese so kue ayeke na tere ti da ni, na ndö ti hoto, ayeke nde si ayeke nzoni kue ahon atanga ni. Baa, so ndia ti kota da ni laa.”

Abia (Psaumes) 93:5

Ambela ti mo ayeke taa-tënë biani. KOTA GBIA, ayeke nzoni kota da ti mo aduti da so ayeke nde si ayeke nzoni kue kpu na kpu!

Osée 12:7

“Ti mo Jacob, alingbi mo kiri na mbi, Nzapa ti mo. Sara ye na lege ti nzoni be, sara ye na legeni; zia be ti mo lakue ti ku Nzapa ti mo.”

Matthieu 21:13

Lo tene na ala: “A su na ya ti Mbeti ti Nzapa, atene: ‘Fade a yeke iri da ti mbi da ti sambelango Nzapa.’ Me ti ala, ala sara si da ni aga du so azo ti nzi ayeke honde tere ti ala daa!”

Marc 11:17

Na pekoni, lo fa ye na azo ni, lo tene: “Mbeti ti Nzapa atene: ‘Fade a yeke iri da ti mbi da ti sambelango Nzapa ti amara kue.’ Me ti ala, ala sara si da ni aga du so azo ti nzi ayeke honde tere ti ala daa!”