Nzoni Tënë so Luc asu na mbeti 18:43 - Mbeti ti Nzapa - Tënë so amu fini

⁴³ Gi hio tongaso, le ti lo azi si lo mu peko ti Jésus, lo yeke gonda Nzapa. Azo so kue abaa ye ni ayeke gonda nga Nzapa.

Nzoni Tënë so Luc asu na mbeti 18:43 Referans Kwoze

Abia (Psaumes) 146:8

KOTA GBIA ayeke zi le ti azo so le ti ala akanga. Azo so ati na sese, KOTA GBIA ayeke mu ala na nduzu; KOTA GBIA aye azo ti mbirimbiri.

Galasii 1:24

Nilaa, azo ti Christ ayeke gonda Nzapa ndali ti mbi.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Awatokua 11:18

So ala ma tënë so, be ti ala ade si ala gonda Nzapa, atene: “Nzapa amu nga lege na azo ti amara nde ti zia ngbene lege ti sarango ye ti ala si ala wara fini!”

Awatokua 4:21

Tongaso azo ti fango ngbanga ni akiri asuku na ala ngangu si na pekoni, ala zi ala. Ala baa so lege ti fâ ngbanga na li ti ala ayeke daa pepe, ngbanga ti so azo kue ayeke gonda Nzapa ndali ti ye so asi.

Nzoni Tënë so Luc asu na mbeti 13:17

So Jésus atene tongaso, kamene agbu le ti awato ti lo kue; me ngia asi be ti gba ti azo ni ngbanga ti akota ye so lo yeke sara so.

Nzoni Tënë so Luc asu na mbeti 5:26

Li ti azo ni kue akpe; ala yeke gonda Nzapa, mbeto agbu ala si ala tene: “Laso, e baa akota ye ti kpene!”

Nzoni Tënë so Luc asu na mbeti 4:39

Lo dingi tere ti lo na ndö ti mama ni, lo suku na kobela ti wâ ti tere ni si kobela ni alondo na tere ti lo. Gi na pekoni, mama ni alondo si ato nda ti sara na ala.

Matthieu 21:14

Awaziba na azo so gere ti ala abuba aga nduru na Jésus na ya ti kota da ti Nzapa ni si lo kai kobela ti ala.

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Matthieu 9:8

So azo ni abaa ye so, mbeto asara ala. Ala gonda Nzapa ndali ti so lo mu ngangu na azo ti sara aye tongaso.

Ésaïe 43:21

Azo so mbi leke ala ndali ti mbi, ala yeke he bia ti sepela na mbi.”

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 35:5

Tongaso, fade awaziba ayeke kiri ti baa ndo; azo so mê ti ala akanga ayeke kiri ti ma ndo.

Abia (Psaumes) 107:15

Ayeke nzoni ala sepela KOTA GBIA ndali ti nzoni be ti lo! Ala sepela lo ndali ti aye ti kpene so lo yeke sara ndali ti azo!

Abia (Psaumes) 107:8

Ayeke nzoni ala sepela KOTA GBIA ndali ti nzoni be ti lo! Ala sepela lo ndali ti aye ti kpene so lo yeke sara ndali ti azo!

Abia (Psaumes) 30:2

*KOTA GBIA, mbi ye ti he bia ti fa kota ti mo, ngbanga ti so mo soo mbi na kuâ; mo sara si awato ti mbi ahe mbi pepe.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

Nzoni Tënë so Luc asu na mbeti 19:37

So ala ga nduru na Jérusalem, na lege so alondo na ndö ti hoto ti a-olive ni ti zu, adisiple gbani gbani ayeke dekongo ti sepela Nzapa na ngia na be ti ala, ndali ti aye ti kpene so ala baa ni so.

Nzoni Tënë so Luc asu na mbeti 9:43

Li ti azo kue akpe ndali ti so ala baa atene, Nzapa ayeke kota. So azo ni angba ti gonda aye so kue Jésus asara, lo tene na adisiple ti lo: