Nzoni Tënë so Luc asu na mbeti 15:20 - Mbeti ti Nzapa - Tënë so amu fini

²⁰ Lo mu lege ti kiri na ndo ti babâ ti lo. “So lo de yongoro na lege, babâ ti lo abaa lo, mawa agbu be ti lo, lo kpe, lo gbu lo na kate ti lo si lo su ngbangba ti lo.

Nzoni Tënë so Luc asu na mbeti 15:20 Referans Kwoze

Abia (Psaumes) 86:5

Kota Gbia, mo yeke nzoni, mo yeke zi tënë na li ti zo, mo yeke sara nzoni be mingi na azo so kue ayeke iri mo.

Abia (Psaumes) 86:15

Me mo Kota Gbia, mo yeke Nzapa so mo yeke baa mawa ti zo si mo yeke sara nzoni be na zo; mo yeke sara ngonzo hio hio pepe, nzoni be ti mo asi singo si mo yeke bata tënë ti yanga ti mo lakue.

Efeze 2:13

Ando, ala so ayeke yongoro na Nzapa, fadeso, na lege ti gango so ala ga oko na Christ, ala ga nduru na Nzapa, ngbanga ti so mene ti Christ atuku ndali ti ala.

Ésaïe 49:15

Me KOTA GBIA akiri tënë: “Be ti wali alingbi ti girisa na molenge ti lo so angba ti nyon me? Molenge so asigigi na ya ti lo, lo yeke zia ti baa mawa ti lo? Ataa be ti mama ni agirisa na molenge ni, mbi, be ti mbi ayeke girisa na mo laoko pepe.

Tongo nda ti aye 33:4

Ezau amu loro ague, awara lo; lo gbu Jacob ngangu na kate ti lo si lo su ngbangba ti lo. Ala use kue atoto.

Efeze 2:17

Lo ga ti fa Nzoni Tënë ti siriri na ala, azo ti amara nde so ayeke ando na yongoro ndo nga na ala so ayeke nduru.

Jérémie 31:20

Efraim ayeke molenge ti mbi ti koli so mbi ye lo ahon ndoni; lo yeke molenge so mbi voro lo mingi. Ndani laa, lakue so mbi yeke tene tënë na tere ti lo, lakue mbi yeke dabe ti mbi na lo. Be ti mbi ayeke na ndö ti lo mingi. Biani, mbi baa mawa ti lo ahon ndoni; so tënë ti yanga ti KOTA GBIA laa.

Ésaïe 57:18

Mbi baa lege ti sarango ye ti lo awe, me mbi yeke kai kobela ti lo. Mbi yeke fa lege na lo, mbi yeke sara titene be ti lo ade. Ti azo so ayeke sara mua ti lo,

Tongo nda ti aye 46:29

Joseph aleke pusu ti mbarata ti lo si lo gue na Goshen ti tengbi babâ ti lo Jacob. Gi so Joseph abaa babâ ti lo, lo ti na ndö ti go ti lo, lo gbu lo na kate ti lo si lo toto aninga.

Tongo nda ti aye 45:14

Joseph ati na ndö ti go ti ita ti lo Benjamin, lo gbu lo na kate ti lo si lo toto; Benjamin nga ayeke toto na ndö ti go ti Joseph.

Awatokua 20:37

Azo ni kue ati na toto si ala gbu Paul ngangu na kate ti ala ti su ngbangba ti lo.

Awatokua 2:39

Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”

Osée 11:8

“Efraim, mbi lingbi ti sara na mo tongana nyen? Israel, mbi lingbi ti ka mo tongana nyen? Mbi lingbi ti sara na mo ye so mbi sara ando na agbata ti Adma na ti Seboim so tongana nyen? Be ti mbi ado si mawa ti mo agbu be ti mbi mingi.

2 Samuel 14:33

Yoab ague, atene peko ti atënë ti Absalom kue na gbia. Gbia airi Absalom si lo gue na ndo ti gbia; lo kuku, lo kpo li ti lo na sese na dawa ti gbia. Tongaso gbia asu ngbangba ti lo.

Nzoni Tënë so Luc asu na mbeti 15:19

Mbi lingbi titene mo kiri mo iri mbi molenge ti mo pepe; mu mbi tongana mbeni zo ti kua ti mo.’

Nzoni Tënë so Luc asu na mbeti 15:21

Molenge ni atene na lo: ‘Babâ, mbi sara siokpari so ake Nzapa si ake nga mo; mbi lingbi titene mo kiri mo iri mbi molenge ti mo pepe.’