Nzoni Tënë so Luc asu na mbeti 14:24 - Mbeti ti Nzapa - Tënë so amu fini

²⁴ Mbi tene na ala, azo so mbi tisa ala kozoni so, fade mbeni oko ayeke te kobe ti mbi pepe.”

Nzoni Tënë so Luc asu na mbeti 14:24 Referans Kwoze

Matthieu 21:43

Ndani laa, Jésus atene: “Mbi tene na ala: fade a yeke zi *Kodro-gbia ti Nzapa na maboko ti ala ti mu na azo so asara ye alingbi na ni. [

Awatokua 13:46

Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Matthieu 22:8

Na pekoni, lo tene na azo ti kua ti lo: ‘Ndembe ti matanga ti mungo tere ni alingbi awe, me akozo zo ni alingbi fade na matanga ni pepe.

Jean 8:24

Ndani laa mbi tene na ala, mbi tene, ala yeke kui ande na ya ti siokpari ti ala. Biani, tongana ala ma na be pepe so ‘Mbi Yeke’, fade ala yeke kui na ya ti siokpari ti ala.”

Jean 3:19

Nda ti ngbanga ni ayeke so: lumiere aga na ndö ti dunia so, me azo aye tënë ti lumiere ni pepe; ala ye gi tënë ti vukongo ndo, ngbanga ti so ye so ala yeke sara ayeke sioni.

Jean 8:21

Jésus akiri atene na ala: “Mbi yeke gue; fade ala yeke gi mbi, me ala yeke kui na ya ti siokpari ti ala. Ala lingbi ti gue pepe na ndo so mbi yeke gue daa.”

Nzoni Tënë so Luc asu na mbeti 14:23

Tongaso makonzi ni atene na zo ti kua ni: ‘Gue na ndö ti alege nga na tere ti agbagba, mo mu azo na ngangu mo ga na ala, tongaso si ya ti da ti mbi asi singo.’

Nzoni Tënë so Luc asu na mbeti 14:25

Jésus na gba ti azo ayeke tambula oko na lege ti gue. Lo baa ndo na peko si lo tene na ala: