Nzoni Tënë so Luc asu na mbeti 12:33 - Mbeti ti Nzapa - Tënë so amu fini

³³ Ala ka aye so ala yeke na ni, ala mu nginza ni na azo ti mawa. Ala gi ti wara abozo ti nginza so ayeke buba pepe; ala bata mosoro ti ala na yayu! Kâ, mosoro ni ayeke hunzi pepe: zo ti nzi alingbi ti si nduru na ni pepe, akangi alingbi nga ti te ni pepe.

Nzoni Tënë so Luc asu na mbeti 12:33 Referans Kwoze

Matthieu 19:21

Jésus atene na lo: “Tongana mo ye ti ga nzoni kue, mo gue, mo ka ye so kue mo yeke na ni, mo mu nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Nzoni Tënë so Luc asu na mbeti 18:22

So Jésus ama tënë so, lo tene na lo: “Mbeni ye oko angba na mo ti sarango ni: mo ka aye ti mo kue, mo kangbi nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Awatokua 2:45

Ala yeke ka aye ti ala, ala yeke kangbi nginza ni na popo ti ala, zo oko oko awara ye alingbi na ye so atia lo.

Nzoni Tënë so Luc asu na mbeti 16:9

Jésus akiri atene: “Ti mbi, mbi tene na ala: nginza ayeke handa azo titene ala sara aye ti kirikiri. Ti ala, ayeke nzoni ala mu nginza ti gi ti wara na a-ita; tongana nginza ni ayeke mbeni pepe, fade a-ita ni ayeke yamba ala na ya ti ada so ayeke ngba kpu na kpu.

Nzoni Tënë so Luc asu na mbeti 12:21

Jésus akiri atene: “Baa, ye so ayeke si ande na zo so ayeke bongbi amosoro gi ndali ti lo wani si lo bongbi aye ndali ti Nzapa pepe so laa!”

Aggée 1:6

Ala lu kobe mingi, me ala fâ ni gi kete; ala yeke te kobe, me ya ti ala ayeke si pepe; ala yeke nyon vin, me tere ti ala ayeke nzere pepe; ala yeke yu bongo, me tere ti ala ayeke mu wâ pepe. Zo ti kua ayeke wara futa ti lo, me nginza ni ayeke li gi na ya ti bozo so akoro awe.

2 Korente 8:2

A-Eglize ni ayeke na ya ti pasi mingi, me be ti azo ni asi singo na ngia; ataa so ala yeke na ya ti kota mawa, ala mu ye ahon ndoni.

Jean 12:6

Lo tene tënë so, ngbanga ti so tënë ti azo ti mawa agbu be ti lo pepe, me ngbanga ti so lo yeke zo ti nzi: lo yeke bata bozo ti nginza si lo yeke nzi nginza so azo ayeke bi na ya ni.

Nzoni Tënë so Luc asu na mbeti 11:41

Ala mu na azo ti mawa ye so ayeke na ya ti akopo na asembe ti ala. Tongaso si aye kue ayeke ga ande *nzoni ndali ti ala.

Amato 13:7

Ambeni zo asara tere ti ala tongana azo ti mosoro, andaa ala yeke na ye oko pepe. Ambeni zo asara tere ti ala tongana awayere, me ala yeke na ye mingi.