Nzoni Tënë so Luc asu na mbeti 12:30 - Mbeti ti Nzapa - Tënë so amu fini

³⁰ Biani, azo ti dunia so ahinga Nzapa pepe laa ayeke gi aye so lakue. Me ti ala, Babâ ti ala ahinga atene, ayeke nzoni ala wara aye ni so ndali ti fini ti ala.

Nzoni Tënë so Luc asu na mbeti 12:30 Referans Kwoze

Matthieu 6:32

Azo so ahinga Nzapa pepe laa ayeke gi be ti ala lakue ndali ti aye tongaso. Ti ala azo ti mbi, Babâ ti ala so ayeke na yayu ahinga atene, ayeke nzoni ala wara aye so ndali ti fini ti ala.

Matthieu 6:8

Ala sara ye tongana ti azo ni so pepe. Biani, Babâ ti ala ahinga kozoni awe ye so atia ala.

Efeze 4:17

Tongaso, na iri ti *Kota Gbia, mbi yeke tene tënë so biani na ala: ala kiri asara ye tongana ti azo ti amara nde pepe, ngbanga ti so atënë ti be ti azo ti amara nde ayeke buba ye.

Nzoni Tënë so Luc asu na mbeti 12:32

“Ala azo so ayeke tongana bongbi ti akete taba, ala sara mbeto pepe, ngbanga ti so a nzere na Babâ ti ala ti mu Kodro-gbia ni na ala!

Matthieu 18:14

Tongaso nga, Babâ ti ala so ayeke na yayu aye titene mbeni oko na popo ti amolenge so agirisa pepe.”

1 Tesalonike 4:5

Ala sara ye na lege ti asioni nzara ti be ti ala pepe, tongana ti azo ti amara nde so ahinga Nzapa pepe.

Matthieu 10:20

Ala yeke tene ande tënë ti ala wani pepe; me fade Yingo ti Nzapa Babâ ti ala laa ayeke zia tënë ni na yanga ti ala ti tene.

Matthieu 5:47

Tongana ala yeke bara gi a-ita ti ala, ye so ala sara ahon tanga ti azo na ni ayeke nyen? Azo so ahinga Nzapa pepe ayeke sara nga tongaso pepe?

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Matthieu 6:1

“Ala sara hange! Tongana ala sara nzoni kua ndali ti Nzapa, ala sara ni titene azo abaa ala pepe. Tongana ala yeke sara kua ni gi ndali ti le ti azo, fade Babâ ti ala so ayeke na yayu ayeke mu na ala futa ni pepe.

Nzoni Tënë so Luc asu na mbeti 12:29

Ala nga, ala gi be ti ala pepe ndali ti ye ti tengo ni wala ye ti nyongo ni, ala zia be ti ala na nduzu pepe.

Nzoni Tënë so Luc asu na mbeti 12:31

Ala gi *Kodro-gbia ti Nzapa kozoni si fade a yeke mu na ala aye so kue na ndö ni.”