Nzoni Tënë so Luc asu na mbeti 11:45 - Mbeti ti Nzapa - Tënë so amu fini

⁴⁵ Mbeni oko ti awafango-ndia ni atene na lo: “Wafango-ye, tënë so mo yeke tene so, mo yeke zonga nga e laa!”

Nzoni Tënë so Luc asu na mbeti 11:45 Referans Kwoze

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Jean 9:40

Ambeni *farizien so ayeke kâ ama tënë so Jésus atene so si ala hunda lo, atene: “E nga, e yeke awaziba?”

Jean 7:48

Mbeni makonzi ti e wala mbeni farizien oko so ama na be na lo ayeke daa?

Jean 7:7

Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Nzoni Tënë so Luc asu na mbeti 11:52

“Mawa na ala, awafango-ndia! Ala mu kerere so a yeke zi na yanga ti hingango ndo; me ala wani, ala li na ndo ti hingango ndo ni pepe. Azo so aye ti li, ala kanga lege ni na ala.”

Nzoni Tënë so Luc asu na mbeti 11:46

Jésus akiri tënë na lo: “Mawa na ala nga, ala awafango-ndia, ngbanga ti so ala yeke zia kungba na li ti azo! Kungba ni ane ahon ngangu ti azo ni, me ala awafango-ndia ni, ala yeke ndu kungba ni na li ti maboko ti ala oko pepe!

Matthieu 22:35

Na popo ti ala, mbeni wafango-ndia oko aye ti sara si Jésus ati na ya ti gbanda ti lo; lo hunda Jésus, lo tene:

Jérémie 20:8

Lakue, tongana mbi yeke tene tënë, alingbi mbi dekongo ti iri azo ti soo mbi, mbi tene: “Fango zo-oo, bubango ye-oo!” Ndali ti tënë ti KOTA GBIA, azo ayeke zonga mbi lakue si ala yeke he mbi na ngia lakue.

1 Agbia 22:8

Gbia ti Israel akiri tënë na Yosafat, atene: “Mbeni zo oko ayeke daa so e lingbi ti hunda KOTA GBIA na lege ti lo; zo ni ayeke Mishe, molenge ti Imla. Me be ti mbi ake lo mingi, ngbanga ti so lo yeke tene na mbi peko ti tënë ti yanga ti Nzapa nzoni laoko pepe, me lakue gi sioni tënë.” Yosafat atene: “Ayeke nzoni gbia atene tënë tongaso pepe!”

Nzoni Tënë so Luc asu na mbeti 7:30

Me *afarizien na awafango-ndia ake ti yeda na nzoni ye so Nzapa aleke ndali ti ala si ala ke ti wara bateme ti Jean.