Nzoni Tënë so Luc asu na mbeti 11:3 - Mbeti ti Nzapa - Tënë so amu fini

³ Mu na e na ya ti lango oko oko, kobe so alingbi na e.

Nzoni Tënë so Luc asu na mbeti 11:3 Referans Kwoze

Matthieu 6:11

Mu na e laso kobe so alingbi na e.

Matthieu 6:34

Tongaso, ala gi be ti ala ndali ti aye ti kekereke pepe: pasi ti kekereke ayeke pasi ti kekereke. Lango oko oko ayeke ga na pasi ti lo wani.

Amato 30:8

Mo zi na ya ti fini ti mbi aye ti kirikiri na atënë ti mvene. Mo sara si mbi ga wayere pepe wala zo ti mosoro nga pepe; mo mu na mbi gi kobe so alingbi na mbi.

Ésaïe 33:16

Zo tongaso ayeke duti na nduzu kâ. Ndo ti batango tere ti lo ayeke atêne so ayeke tongana ngangu gbagba. A yeke mu na lo kobe ti tengo ni, ngu ti nyongo ni ayeke tia lo pepe.

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.