Nzoni Tënë so Luc asu na mbeti 11:2 - Mbeti ti Nzapa - Tënë so amu fini

² Lo tene na ala: “Tongana ala yeke sambela, ala tene: Babâ, ayeke nzoni azo ane iri ti mo so ayeke nde si ayeke nzoni kue; ga, mo le-gbia na ndö ti azo.

Nzoni Tënë so Luc asu na mbeti 11:2 Referans Kwoze

Zo ti bongbingo azo 5:2

Biani, zo so agi be ti lo mingi, fade lo yeke baa li ti lo; zo so adiko gba ti atënë, fade lo yeke tene abuba tënë.

2 Mbai 20:6

Lo sambela, lo tene: “KOTA GBIA, Nzapa ti akotara ti e, mo laa mo yeke Nzapa na yayu, mo laa mo yeke na komandema na ndö ti akodro-gbia kue ti dunia! Mo yeke na ngangu, mo yeke na kota ngangu; zo oko alingbi ti luti na le ti mo pepe.

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

Abia (Psaumes) 11:4

KOTA GBIA ayeke na ya ti kota da ti lo so ayeke nde si ayeke nzoni kue. Mbata ti lo ti gbia ayeke na yayu. Lo yeke baa ndo na ndö ti sese kue, le ti lo ayeke baa azo oko oko kue ti tara ala.

Aye so Nzapa afa 20:4

Na pekoni, mbi baa ambata ti gbia. Azo so aduti na ndö ni, a mu na ala ngangu ti fâ ngbanga. Mbi baa nga yingo ti ala so azo afâ go ti ala ndali ti so ala sara ye alingbi gi na taa-tënë so Jésus afa nga na tënë ti Nzapa. Ala ke ti voro nyama ni wala limo so akpa nyama ni, ala yeke na nzoroko ti nyama ni na ndö ti le ti ala wala na ndö ti maboko ti ala pepe. Ala kiri na fini si ala na Christ abongbi ale-gbia na ya ti ngu saki oko.

1 Tesalonike 1:3

Na le ti Nzapa Babâ ti e, e yeke dabe ti e lakue na kua so ala yeke sara na lege ti mabe; e yeke dabe ti e na ndoye so ayeke sara titene ala sara kua ngangu nga na be ti ala so ala zia ti ku *Kota Gbia ti e Jésus Christ.

Filipe 4:20

E gonda Nzapa Babâ ti e kpu na kpu! Amen.

Filipe 1:2

Ayeke nzoni Nzapa Babâ ti e, lo na *Kota Gbia Jésus Christ asara nzoni be na ala si amu na ala siriri!

Efeze 1:2

Ayeke nzoni Nzapa Babâ ti e na *Kota Gbia Jésus Christ asara nzoni be na ala si amu na ala siriri.

2 Korente 1:2

Ayeke nzoni Nzapa Babâ ti e na *Kota Gbia Jésus Christ asara nzoni be na ala si amu na ala siriri.

1 Korente 1:3

Ayeke nzoni Nzapa Babâ ti e na Kota Gbia ti e Jésus Christ asara nzoni be na ala si amu na ala siriri!

Ésaïe 63:16

Biani, mo laa mo yeke babâ ti e. Be ti Abraham, kotara ti e agirisa na e awe; Jacob akiri ahinga e pepe; me mo KOTA GBIA, mo yeke Babâ ti e; mo so a yeke di iri ti mo “Wazingo e”, ngbene ye kpu na kpu.

Abia (Psaumes) 57:11

ngbanga ti so nzoni be ti mo ague ngbii asi na yayu, batango tënë ti yanga ti mo so mo yeke bata ague ngbii asi na ambinda.

Aye so Nzapa afa 19:6

Mbi ma mbeni go tongana ti gba ti azo; go ni ayeke tongana toto ti kota ngu na ti bekpa so asungba ngangu, atene: “Aleluya! Biani, *Kota Gbia, Nzapa ti e so ngangu ti lo ahon angangu kue ato nda ti le-gbia awe!

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

1 Tesalonike 1:1

Mbi Paul, mbi na Silas na Timothée laa e tokua mbeti so na azo ti *Eglize so ayeke na gbata ti Tesalonike. Ala yeke azo ti Nzapa Babâ na ti *Kota Gbia Jésus Christ. Ayeke nzoni Nzapa asara nzoni be na ala si lo mu na ala siriri!

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ

Kolose 1:2

si e tokua mbeti so na a-ita, azo ti Nzapa so ayeke na gbata ti Kolose, ala so ama na be na Christ si ala ga oko na lo. Ayeke nzoni Nzapa Babâ ti e asara nzoni be na ala si amu na ala siriri.

Rome 8:15

Yingo so ala wara ayeke Yingo ti sarango ala na ngbaa pepe, Yingo ti ziango mbeto na be ti ala pepe, me Yingo so ayeke sara titene ala ga amolenge ti Nzapa. Na lege ti lo, e yeke dekongo na Nzapa, e tene: “Abba!”, so ti tene “Babâ!”

Matthieu 10:32

“Zo so kue atene na le ti azo atene, ni yeke zo ti mbi, fade mbi nga, mbi yeke tene na le ti Babâ ti mbi so ayeke na yayu, mbi tene, lo yeke zo ti mbi.

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Matthieu 3:2

lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Habakuk 2:14

Biani, fade azo ayeke hinga gonda ti KOTA GBIA si gonda ni ayeke si singo na ndö ti sese tongana ti so ngu asi singo na ya ti kota ngu-ingo.

Osée 14:2

Israel, kiri na *KOTA GBIA Nzapa ti mo, ngbanga ti so sioni ti mo asara si mo ti.

Daniel 7:27

Kodro, komandema na dutingo na kota ndo na ya ti akodro nde nde so ayeke na ndö ti sese, fade a mu ni na azo so Nzapa asoro ala; Nzapa so ayeke na yayu kâ na ndö ti aye kue so. Komandema ti azo ti Nzapa ayeke ngba lakue lakue; fade angangu kue ti dunia ayeke ma yanga ti ala si ayeke sara kua na ala.’

Daniel 7:18

Me a yeke mu kodro ni na azo so Nzapa asoro ala; Nzapa so ayeke na yayu kâ na ndö ti aye kue so; fade kodro ni ayeke ngba ti ala lakue lakue, kpu na kpu.’

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Daniel 2:28

Me na yayu kâ, mbeni Nzapa ayeke daa so ayeke fa nda ti aye ti ndima. Gbia Nabukodonosor, lo laa lo yeke fa na mo ye so ayeke si gbanda. Baa, ye so mo baa na ya ti bango-li na ndembe so mo yeke na ndö ti gbogbo ti mo so ayeke tongaso:

Ezekiel 36:23

Kota iri ti mbi so ala buba na popo ti amara nde, iri ti mbi so ala buba ni na popo ti ala so, fade mbi yeke fa na amara nde so iri ni ayeke nde si ayeke nzoni kue; mbi yeke fa ni na ala na lege ti ala, azo ti Israel. Tongaso, fade amara nde ni ayeke hinga atene, mbi laa mbi yeke KOTA GBIA. So tënë ti yanga ti Kota Gbia NZAPA laa.”

Abia (Psaumes) 108:5

ngbanga ti so nzoni be ti mo akono ahon yayu, batango tënë ti yanga ti mo so mo yeke bata ague ngbii asi na ambinda.

Abia (Psaumes) 103:20

Ala, *a-ange ti lo, ala mu singila na KOTA GBIA! Ala so ayeke na ngangu si ala yeke sara ye na peko ti yanga ti lo, gi so lo zi yanga awe, ala yeke sara ye alingbi na ni.

2 Agbia 19:19

Me mo KOTA GBIA, Nzapa ti e, mbi gbu gere ti mo, soo e na maboko ti Senakerib; tongaso si akodro-gbia ti sese kue ahinga atene, gi mo oko KOTA GBIA laa mo yeke Nzapa.”

1 Agbia 8:43

mo so mo yeke na yayu, na ndo so mo yeke duti daa, ayeke nzoni mo ma sambela ti wande so si ye so kue lo hunda na mo, mo mu ni na lo. Tongaso, fade azo kue ti ndö ti sese so ayeke hinga mo, ala yeke kpe mbeto ti mo tongana ti so azo ti Israel, azo ti mo, ayeke kpe mbeto ti mo; azo ni ayeke hinga nga atene, da so mbi sara so, a di iri ti mo na ndö ni.

Awayango-sandaga 22:23

Koli-bagara, wala koli-taba so mbeni gere ti lo ayo mingi, wala ayeke nduru mingi, ala lingbi ti mu na sandaga na be ti ala wani. Me ala lingbi ti mu ni pepe na sandaga so ala mu zendo ndali ni. Fade mbi KOTA GBIA, mbi yeke yeda na ni pepe.

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Galasii 1:4

Jésus aka tere ti lo ndali ti siokpari ti e, ti zi e na ya ti ngoi ti sioni so e yeke daa laso; lo sara tongana ti so be ti Nzapa Babâ ti e aye.

Rome 1:7

Mbi tokua mbeti so na ala so kue ayeke na Rome, ala so Nzapa aye ala mingi si lo iri ala ti ga azo ti lo. Ayeke nzoni Nzapa Babâ ti e na Kota Gbia Jésus Christ asara nzoni be na ala si amu na ala siriri.

Nzoni Tënë so Luc asu na mbeti 11:1

Mbeni lâ, Jésus ayeke sambela na mbeni ndo. So lo hunzi ti sambela awe, mbeni disiple ti lo oko atene na lo: “*Kota Gbia, fa na e lege ti sambela tongana ti so Jean afa na adisiple ti lo.”