Nzoni Tënë so Luc asu na mbeti 1:69 - Mbeti ti Nzapa - Tënë so amu fini

⁶⁹ Lo soro mbeni ngangu zo ti songo e na kuâ; lo soro lo na popo ti *ahale ti David, zo ti kua ti lo.

Nzoni Tënë so Luc asu na mbeti 1:69 Referans Kwoze

Abia (Psaumes) 18:2

KOTA GBIA, mbi ye mo, mo yeke ngangu ti mbi!

Ezekiel 29:21

“Na lango ni so, mbi yeke kiri ti mu ngangu na azo ti Israel. Ti mo Ezekiel, mbi yeke mu na mo ngangu ti sara tënë na ala. Tongaso, fade ala yeke hinga atene, mbi laa mbi yeke KOTA GBIA.”

2 Samuel 22:3

Nzapa ayeke tongana kota têne so mbi honde tere ti mbi na peko ni; lo yeke tongana *vala ti mbi, lo yeke tongana ye ti bira ti mbi so mbi yeke hon awato ti mbi na ni; lo yeke tongana ngangu da so ayo na nduzu so mbi kpe daa ti honde tere ti mbi; lo yeke ndo so mbi kpe daa ti honde tere ti mbi, lo yeke wasongo mbi na kuâ, lo yeke soo mbi na maboko ti azo so ayeke sara ngangu na mbi.

1 Samuel 2:10

Azo so alondo ti tiri na KOTA GBIA, fade lo yeke kungbi ya ti ala. Na nduzu kâ, lo yeke tokua bekpa ti sungba na ndö ti ala. Fade KOTA GBIA ayeke fâ ngbanga ti azo ti sese kue. Lo yeke mu ngangu na zo so lo zia lo gbia; zo so KOTA GBIA asoro lo ti ga gbia, fade lo sara si lo wara ngangu mingi.”

Abia (Psaumes) 89:17

Ndali ti iri ti mo, ala yeke dodo na ngia lakue; ndali ti mbirimbiri ti mo, ala yeke tambula, li ti ala na nduzu.

1 Samuel 2:1

Anne asambela, atene: “Ndali ti *KOTA GBIA, be ti mbi ayeke na ngia mingi; ndali ti KOTA GBIA, kamene ahon na le ti mbi. Mbi lingbi ti zi yanga na awato ti mbi. Be ti mbi anzere mingi ndali ti so mo soo mbi awe.

Marc 11:10

Ayeke nzoni Nzapa asara tufa na ndö ti *Kodro-gbia ti Nzapa so ayeke ga, kodro so kotara ti e David aduti gbia daa! E gonda Nzapa so ayeke na yayu kâ na ndö ti aye kue!”

Aye so Nzapa afa 22:16

“Mbi Jésus, mbi tokua ange ti mbi ti gue ti fa peko ti aye so na *a-Eglize. Mbi yeke *hale ti sewa ti David, mbi yeke tongoro ti ndaperere so ayeke za mingi.”

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Matthieu 1:1

So ayeke mbeti ti iri ti akotara ti Jésus Christ, lo so lo yeke *hale ti David; David ayeke hale ti Abraham.

Abia (Psaumes) 89:3

Biani, mbi tene: Nzoni be ti mo angba kpu na kpu, mo yeke bata tënë ti yanga ti mo tongana le ti nduzu so angba lakue.

1 Agbia 11:13

Fade mbi yeke zi kodro ni kue pepe. Ndali ti babâ ti mo David, zo ti kua ti mbi nga ndali ti Jérusalem, gbata so mbi soro ni ndali ti mbi, fade mbi yeke zia mbeni mara oko na molenge ti mo.”

2 Samuel 7:26

Ayeke nzoni azo agonda iri ti mo kpu na kpu, ala tene: ‘KOTA GBIA so ngangu ti lo ahon angangu kue, lo yeke Nzapa ti Israel.’ Sara si lengo-gbia ti ahale ti mbi, zo ti kua ti mo, akpengba.

Jérémie 30:9

me ala yeke sara na mbi, KOTA GBIA Nzapa ti ala. Ala yeke sara nga na mbeni hale ti David, gbia so mbi yeke zia lo na ndö ti ala.”