Nzoni Tënë so Luc asu na mbeti 1:33 - Mbeti ti Nzapa - Tënë so amu fini

³³ Fade lo yeke le-gbia na ndö ti azo ti Israel kpu na kpu si lengo-gbia ti lo ayeke hunzi pepe.”

Nzoni Tënë so Luc asu na mbeti 1:33 Referans Kwoze

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Ahebro 1:8

Me ti molenge ti lo, Nzapa atene: “O Nzapa, mbata ti mo ti gbia ayeke ngba kpu na kpu! Na ya ti kodro-gbia ti mo, mo yeke sara komandema na legeni.

Daniel 7:27

Kodro, komandema na dutingo na kota ndo na ya ti akodro nde nde so ayeke na ndö ti sese, fade a mu ni na azo so Nzapa asoro ala; Nzapa so ayeke na yayu kâ na ndö ti aye kue so. Komandema ti azo ti Nzapa ayeke ngba lakue lakue; fade angangu kue ti dunia ayeke ma yanga ti ala si ayeke sara kua na ala.’

2 Samuel 7:16

Mbeni hale ti mo ayeke le-gbia na peko ti mo kpu na kpu. Biani, lengo-gbia ti asewa ti mo ayeke kpengba kpu na kpu.’ ”

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Abia (Psaumes) 45:6

Yanga ti ale ti kokora ti mo aza mingi, fade ayeke koro be ti awato ti mo, gbia. Biani, fade azo kue ayeke ti na gbe ti mo.

Mishe 4:7

Ala so gere ti ala abuba, mbi yeke sara titene ala ga tanga ti azo so angba na fini; ala so a gue na ala na yongoro ndo, mbi yeke sara titene ala ga mbeni ngangu mara. Na ndö ti hoto ti Sion, fade KOTA GBIA ayeke duti gbia ti ala fadeso kpu na kpu.

Daniel 7:18

Me a yeke mu kodro ni na azo so Nzapa asoro ala; Nzapa so ayeke na yayu kâ na ndö ti aye kue so; fade kodro ni ayeke ngba ti ala lakue lakue, kpu na kpu.’

Galasii 3:29

Tongana ala yeke azo ti Christ, andaa ala yeke *ahale ti Abraham, ala yeke wara ande ye so Nzapa amu zendo ni.

Rome 9:6

So aye ti tene pepe atene, peko ti tënë ti yanga ti Nzapa ayeke ngba senge. Biani, azo so ayeke ahale ti Israel, ala kue laa ayeke taa azo ti Israel pepe.

Galasii 6:16

Mbi tene na azo so kue ayeke sara ye alingbi na ye so mbi fa so, mbi tene: siriri ti Nzapa na nzoni be ti lo aduti na ala, nga na azo so kue ayeke taa mara ti lo!

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

Matthieu 1:1

So ayeke mbeti ti iri ti akotara ti Jésus Christ, lo so lo yeke *hale ti David; David ayeke hale ti Abraham.

Abdias 1:21

Azo so azi amba ti ala na gbe ti ngbaa ayeke gue na ndö ti hoto ti Sion titene ala sara komandema na ndö ti azo so ayeke lango na ndö ti hoto ti Ezau. Fade lengo-gbia ayeke ti KOTA GBIA!

2 Samuel 7:13

Lo laa lo yeke sara da ndali ti mbi; mbi yeke sara titene lengo-gbia ti lo akpengba kpu na kpu.

Abia (Psaumes) 89:4

Mo tene: “Zo so mbi soro lo, mbi na lo, e ga ambuki awe; mbi deba yanga na David, zo ti kua ti mbi, mbi tene:

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Ésaïe 16:5

Tongaso, ndali ti nzoni be ti mo, fade mbata ti gbia ti *hale ti David ayeke kpengba. Lo yeke duti ti fâ ngbanga mbirimbiri, lo yeke sara ye na lege ti ndia, lo yeke nduru ti fâ ngbanga mbirimbiri.”

Jérémie 23:5

“So tënë ti yanga ti KOTA GBIA laa: Baa, mbeni lango ayeke ga so mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese. Lo yeke le-gbia tongana nzoni gbia, lo yeke sara ye na lege ti ndara, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Daniel 4:34

Ndani laa, fadeso mbi Nabukodonosor, mbi sepela, mbi ya iri si mbi gonda gbia so ayeke na yayu! Aye so kue lo yeke sara ayeke na legeni; asarango ye ti lo kue ayeke mbirimbiri. Lo yeke na ngangu ti sara si azo ti baba aga akete zo.”

Daniel 6:26

Na pekoni gbia Darius asara mbeti si lo tokua na azo nde nde kue, azo ti amara nde nde kue na azo ti ayanga ti kodro nde nde kue so asara kodro na ndö ti sese kue; lo tene: “Ayeke nzoni siriri asi ala singo!

Nzoni Tënë so Luc asu na mbeti 1:34

Marie atene na ange ni: “Ye ni ayeke sara ande tongana nyen so mbi de ti hinga koli pepe so?”