Kolose 4:10 - Mbeti ti Nzapa - Tënë so amu fini

¹⁰ Aristarke so mbi na lo, e yeke na da ti kanga abara ala. Marc, sewa ti Barnabas abara nga ala. A mu lani yanga na ala ndali ti lo atene, tongana lo si na ndo ti ala, ala yamba lo nzoni.

Kolose 4:10 Referans Kwoze

Philémon 1:24

Marc, Aristarke, Demas na Luc, amba ti mbi, azo ti kua, ala nga abara mo.

2 Timothée 4:11

Gi Luc oko laa angba na tere ti mbi. Mu Marc na tere ti mo si mo na lo aga, ngbanga ti so lo lingbi ti mu na mbi maboko na ya ti kua ti Nzapa.

Awatokua 19:29

Wusuwusu amu ya ti gbata ni kue. Azo kue amu loro ti gue na kota ndo so azo ti gbata ni ayeke bongbi ka tere daa. Ala gbu Gaius na Aristarke, azo ti Masedoane use so amu peko ti Paul na ya ti tambula ti lo, ala gboto ala si ague na ala na kota ndo ni so.

Awatokua 27:2

E ko na ya ti mbeni mangboko ti gbata ti Adramite so ayeke gue na mbage ti Azii. E na Aristarke laa e gue; lo yeke zo ti gbata ti Tesalonike, na sese ti Masedoane.

Awatokua 20:4

Azo so lo na ala ague ayeke Sopater, molenge ti Pirus, zo ti Bere, Aristarke na Sekundus, azo ti Tesalonike, Gaius, zo ti gbata ti Derbe, Tishike na Trofime, azo ti sese ti Azii nga na Timothée.

Awatokua 12:12

So lo hinga nda ti ye ni awe, lo gue na da ti Marie, mama ti Jean so mbeni iri ti lo ayeke Marc. Azo mingi abongbi kâ si ala yeke sambela.

1 Pierre 5:13

*Eglize ti gbata ti Babilone so Nzapa asoro ni tongana ti ala, a-ita, abara ala. Molenge ti mbi Marc abara nga ala.

Rome 16:7

Ala bara na mbi Andronikus na Yunias; ala yeke azo ti sewa ti mbi so lani mbi na ala e yeke na da ti kanga; ala yeke *awatokua ti Christ so azo ahinga ala nzoni mingi, ala yeke azo so amu tere ti ala na Christ kozo ti mbi.

Rome 16:2

Na lege ti gango so e ga oko na *Kota Gbia, ala yamba lo tongana ti so azo ti Nzapa ayeke sara lakue. Tongana lo hunda na ala mbeni ye so atia lo, ala mu maboko na lo, ngbanga ti so lo mu maboko na azo mingi; mbi nga, lo mu maboko na mbi.

Awatokua 13:13

Paul na amba ti lo amu mangboko na Pafos, ala gue, asi na Perze, na sese ti Panfilii. Me Jean Marc azia ala na ndo so si lo kiri ti lo na Jérusalem.

Awatokua 4:36

Mbeni koli ayeke daa so iri ti lo Joseph, awatokua airi lo Barnabas – nda ni atene “wamungo-wango” –, lo yeke mbeni zo ti mara ti Lévi si a du lo na Shipre.

Awatokua 13:5

So ala si na Salamine, ala fa tënë ti Nzapa na ya ti ada ti sambelango Nzapa ti azuife. Jean Marc ayeke na tere ti ala ti mu maboko na ala.

Awatokua 12:25

So Barnabas na Saul ahunzi kua ti ala na Jérusalem awe, ala mu Jean, so mbeni iri ti lo ayeke Marc na tere ti ala si ala kiri na Antioshe.

Philémon 1:23

Epafras, mba ti mbi zo ti kanga ndali ti Jésus Christ, abara mo.