Kolose 3:10 - Mbeti ti Nzapa - Tënë so amu fini

¹⁰ Ala yu fini dutingo ti zo awe tongana ti so zo ayeke yu fini bongo. Nzapa so asara ala si ala ga afini zo, lo yeke sara titene ala ngba lakue ti ga tongana lo, tongaso si ala yeke hinga lo mbirimbiri.

Kolose 3:10 Referans Kwoze

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Kolose 3:12

Nzapa asoro ala, ala ga azo ti lo si lo ye ala. Tongaso, alingbi ala baa mawa ti azo, ala sara nzoni be na azo, ala baa tere ti ala tongana akota zo pepe, ala sara ngangu na azo pepe, ala kanga be ti ala ti ku.

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

Abia (Psaumes) 51:10

Sara si mbi ma atënë ti ngia si tere ti mbi anzere. Tongaso si mbi so mo kungbi mbi awe, mbi londo ti dodo.

Ezekiel 11:19

Fade mbi yeke mu na ala be oko, mbi yeke zia na ya ti ala fini yingo; mbi yeke zi be ti ala so akpengba tongana têne si mbi yeke mu na ala be ti zo.

Kolose 3:14

Ye so ahon tanga ti aye ni kue ayeke yengo tere so ayeke bongbi azo nzoni.

Ezekiel 36:26

Mbi yeke mu na ala fini be, mbi yeke zia fini yingo na ya ti ala. Mbi yeke zi be ti ala so akpengba tongana têne si mbi yeke mu na ala be ti zo

1 Jean 2:5

Me zo so ayeke sara ye alingbi na tënë ti Nzapa, andaa ndoye so ayeke na be ti lo ndali ti Nzapa alingbi kue biani. Na lege so laa e lingbi ti hinga, e tene, e ga oko na Nzapa.

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

1 Jean 2:3

Tongana e yeke sara ye alingbi na andia ti Nzapa, so afa atene, e hinga Nzapa biani.

Rome 8:29

Biani, azo so Nzapa asoro ala kozoni, lo leke na be ti lo kozoni ti sara si ala ga tongana Molenge ti lo, tongaso si Molenge ni aga yaya ti a-ita mingi.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Ezekiel 18:31

Ala bi asioni sarango ye ti ala yongoro, ala sara si be ti ala na yingo ti ala aga fini ni! Ala azo ti Israel, ala ye ti kui ngbanga ti nyen?

Aye so Nzapa afa 21:5

Na pekoni, lo so ayeke duti na ndö ti mbata ti gbia atene: “Fadeso, mbi mu aye kue, mbi sara na fini ni.” Tongaso, lo tene na mbi: “Su tënë so na mbeti, ngbanga ti so atënë ni ayeke taa-tënë, zo alingbi ti zia be ti lo na ndö ni.”

Efeze 2:15

*Ndia ti Moïse so atene na zo, atene: “Mo sara so, mo sara so!”, Christ amingo ni awe. Lo sara tongaso ti bongbi azuife na azo ti amara nde titene ala ga mara oko, na lege ti gango so ala use kue aga oko na lo; Christ asara so ti zia siriri na popo ti ala.

Galasii 6:15

Ndani laa, ataa zo afâ ganza wala lo fâ ganza pepe, so ayeke senge. Kota ye ni ayeke so Nzapa asara si e ga afini zo!

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

2 Korente 3:18

E so kue a zi bongo ni na le ti e awe, azo ayeke baa gonda ti Kota Gbia na ndö ti le ti e tongana ti so zo ayeke baa ye na ya ti tatara. Yingo ti Kota Gbia ayeke sara titene e ga nde, e kpa Kota Gbia si gonda ti e ayeke gue guengo lakue na nduzu.

Rome 13:12

Ndo avuko aninga awe, ndo aga nduru ti han. Tongaso, e zia lege ti sarango aye ti vukongo ndo, e yu aye ti bira ti kota lâ.

Galasii 3:27

Ala kue awara bateme awe, ala ga oko na Christ. Tongaso, lege ti dutingo ti ala aga tongana ti Christ awe.

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Ahebro 6:6

Ataa so kue gbaa, ala kiri na sioni lege ti sarango ye ti ala ti kozoni. Lege titene a sara si ala kiri azia ngbene lege ti sarango ye ti ala ayeke daa oko pepe. Biani, ala kiri akanga Molenge ti Nzapa na ndö ti keke ti kroa si ala sara titene azo azonga lo.

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Mbeti ti Job 29:14

Sarango ye ti mbirimbiri ayeke tongana bongo ti mbi ti yungo ni; sarango ye na legeni ayeke tongana kota bongo ti de, wala kpoto ti yungo ni.

Tongo nda ti aye 5:1

So ayeke mbeti so a su tënë ti sewa ti Adam daa. Na lango so Nzapa asara zo, lo sara zo ni gi tongana lo Nzapa;

Rome 6:4

Tongaso, na lege ti bateme, a lu e legeoko na Christ si e ga oko na lo na lege ti kuâ so lo kui; me Christ azingo na kuâ na lege ti ngangu ti Babâ titene e nga, e sara si dutingo ti e aga nde.

2 Korente 4:16

Ndani laa be ti e awoko pepe. Ataa so tere ti e ti zo ayeke buba kete na kete, fini so ayeke na be ti e kâ ayeke wara ti lo ngangu lakue.

Philémon 1:6

Mbi hunda na Nzapa titene beoko so mbi na mo, e yeke na ni na lege ti mabe asara si azo ahinga anzoni ye so kue e lingbi ti sara ndali ti Christ.