Kolose 2:20 - Mbeti ti Nzapa - Tënë so amu fini

²⁰ So ala na Christ akui awe, a zi ala na gbe ti ngangu ti ayingo ti dunia so awe. Ngbanga ti nyen si ala ngba ti sara ye tongana ti azo ti dunia so? Ngbanga ti nyen si ala yeda titene mbeni zo afa na ala mara ti ndia tongaso:

Kolose 2:20 Referans Kwoze

Kolose 2:8

Le ti ala akpengba si mbeni zo ahanda ala na atënë ti ndara ti sese so pepe! Atënë so ayeke asenge senge tënë alondo na lege ti tënë ti akotara wala na lege ti ayingo so ayeke na ngangu na ndö ti dunia so, me alondo na Christ oko pepe.

Kolose 2:16

Tongaso, alingbi mbeni zo afâ ngbanga na li ti ala pepe ndali ti tënë ti kobe, wala ye ti nyongo ni, wala ndali ti alango ti Nzapa, wala amatanga ti fini nze wala *alango ti wungo tere.

Galasii 4:3

E nga, e yeke ando tongaso: e yeke tongana amolenge, e yeke na gbe ti ngbaa ti ayingo so ayeke na ngangu na ndö ti dunia so.

Kolose 2:14

Mbeti ti mbela so abi tënë na li ti e si afâ ngbanga ti kuâ na li ti e so, Nzapa amingo ngangu ni, lo kanga ni na ndö ti keke ti kroa.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

Galasii 6:14

Ti mbi, mbi ye ti gonda tere ti mbi gi ndali ti keke ti kroa ti *Kota Gbia ti e Jésus Christ. Na lege ti keke ti kroa ni, aye ti dunia so aga tongana ye so akui awe ndali ti mbi si mbi nga, mbi kui awe ndali ti aye ti dunia so.

2 Korente 10:3

Taa-tënë, e yeke azo ti sese so, me e yeke tiri bira tongana ti azo ti sese so pepe.

Jean 15:19

Tongana ala yeke fade azo ti dunia so, ka dunia ni aye ala ndali ti so ala yeke ti lo. Me mbi soro ala na popo ti azo ti dunia si ala yeke azo ti dunia mbeni pepe. Ndani laa dunia ni ake ala.

Efeze 2:15

*Ndia ti Moïse so atene na zo, atene: “Mo sara so, mo sara so!”, Christ amingo ni awe. Lo sara tongaso ti bongbi azuife na azo ti amara nde titene ala ga mara oko, na lege ti gango so ala use kue aga oko na lo; Christ asara so ti zia siriri na popo ti ala.

Kolose 3:3

Biani, ala kui awe si fini ti ala ahonde legeoko na ti Christ kâ na tere ti Nzapa.

Kolose 2:21

“Mu ye so pepe!”, “Tara ye so pepe!”, “Ndu ye so pepe!”