Kolose 2:14 - Mbeti ti Nzapa - Tënë so amu fini

¹⁴ Mbeti ti mbela so abi tënë na li ti e si afâ ngbanga ti kuâ na li ti e so, Nzapa amingo ngangu ni, lo kanga ni na ndö ti keke ti kroa.

Kolose 2:14 Referans Kwoze

Ésaïe 44:22

Asioni ti mo, mbi mbo ni tongana mbinda ti le ti nduzu; asiokpari ti mo, mbi zi ni tongana mbinda so ayeke hon hongo. Kiri na mbi, ngbanga ti so mbi soo mo awe.”

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Ahebro 8:13

So Nzapa atene tënë ti fini mbuki so, lo sara si kozo mbuki ni aga ngbene ye. E hinga so, ye so aga ngbene ye si aga gbagbara ni, aga nduru ti hon awe.

Ahebro 7:18

Tongaso, a mingo ndia ti kozoni so, ngbanga ti so ndia ni ayeke na ngangu pepe si alingbi ti sara mbeni nzoni ye na zo pepe.

Kolose 2:20

So ala na Christ akui awe, a zi ala na gbe ti ngangu ti ayingo ti dunia so awe. Ngbanga ti nyen si ala ngba ti sara ye tongana ti azo ti dunia so? Ngbanga ti nyen si ala yeda titene mbeni zo afa na ala mara ti ndia tongaso:

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

Ésaïe 57:14

*KOTA GBIA atene: “Ala suru lege, ala sara hio, ala leke lege; ala zi ye so kue ayeke kanga lege na azo ti mbi!”

Abia (Psaumes) 51:1

Bia so ayeke ndali ti makonzi-bia; bia ti David.

Wungo ti azo 5:23

“Na pekoni, wayango-sandaga ayeke su atënë ti dengo ba so na mbeti si lo yeke sukula ni na ya ti ngu ni.

2 Tesalonike 2:7

Ngangu ti Zo ti sioni ato nda ti sara kua ti lo awe; e lingbi ti ma ya ni, ngbanga ti so Nzapa afa ni na e awe. Tongana lo so ayeke gbanzi lege na Zo ti sioni ahon awe, fade ye ni ayeke si.

Abia (Psaumes) 51:9

Mu kete keke ti *izope, mo zi na siokpari ti mbi si mbi ga *nzoni; sukula mbi si mbi vuru tarara.

Esther 3:12

Na lango baleoko na ota ti kozo nze ni, a tokua titene a iri awakuasu ti gbia ti ga. Ala ga si ala su na mbeti atënë ni kue alingbi gi na yanga so Haman amu na ala. Na pekoni ala tokua mbeti ni na akota komanda, agovoronere ti akodro-sese oko oko nga na amakonzi ti amara oko oko kue. Awakuasu ni asu ambeti ni na lege ti kode ti sungo mbeti nga na yanga ti kodro ti azo ni oko oko kue. Awakuasu ni asu iri ti gbia Zerses daa si ala kpo nzoroko ti lo na ndö ni.

Néhémie 4:5

Ti awato ti e, ala tene: “Kozoni si e si na popo ti ala, ala yeke hinga tënë ni oko pepe, ala yeke baa e oko pepe. Tongaso e yeke ti na ndö ti ala ti fâ ala si e yeke sara titene kua ni akai.”

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Esther 8:8

Me lege ayeke daa pepe titene mbeni mbeti so a su iri ti mbi daa si a kpo nzoroko ti mbi na ndö ni, a kiri a mingo ngangu ni. Tongaso, ayeke nzoni ala wani asu ti ala mbeti ni tongana ti so be ti ala aye ndali ti azuife. Fade ala su iri ti mbi daa si ala kpo nzoroko ti mbi na ndö ni.”