Kolose 2:12 - Mbeti ti Nzapa - Tënë so amu fini

¹² So ala wara bateme, a lu ala na Christ awe si a zingo ala na kuâ legeoko na lo, ngbanga ti so ala ma na be na ngangu ti Nzapa so azingo lo na kuâ.

Kolose 2:12 Referans Kwoze

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.

Galasii 3:27

Ala kue awara bateme awe, ala ga oko na Christ. Tongaso, lege ti dutingo ti ala aga tongana ti Christ awe.

Awatokua 2:24

Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo.

Efeze 3:17

Mbi hunda titene Christ aduti na be ti ala na lege ti mabe! Ayeke nzoni sarango ye ti ala kue aluti na ndö ti ndoye tongana ti so gere ti keke ali sese wala tongana ti so da aluti ngangu na ndö ti gere ni.

Rome 4:24

ayeke nga ndali ti e so Nzapa abaa e tongana azo ti mbirimbiri na lege ti mabe ti e. Biani, e ma na be na lo so azingo Jésus, *Kota Gbia ti e na kuâ.

Efeze 4:5

Kota Gbia ayeke gi oko, mabe ayeke gi oko, bateme ayeke gi oko.

Efeze 2:8

Biani, ndali ti nzoni be ti Nzapa si ala soo kuâ, na lege ti mabe, mbeni ye so ala sara titene ala soo kuâ ndali ni ayeke daa pepe. Songo kuâ ayeke nzoni ye so lo mu na ala senge senge.

1 Korente 15:20

Me ye ni ayeke tongaso pepe: Christ azingo na kuâ kozoni ti fa biani so azo so akui ayeke zingo ande na kuâ.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Ahebro 6:2

tënë na ndö ti abateme, tënë ti ziango maboko na li ti azo, tënë ti zingongo ti akuâ na tënë ti ngbanga so Nzapa ayeke fâ ande na li ti azo biani biani.

Filipe 1:29

Nzapa asara nzoni be na ala gi titene ala ma na be na Christ pepe, me ti baa nga pasi ndali ti lo.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Efeze 3:7

Na lege ti nzoni be ti Nzapa, lo sara si mbi ga zo ti kua ti fango Nzoni Tënë. Nzapa asara ye so na lege ti ngangu ti lo.

1 Korente 12:13

Ataa e yeke azuife wala e yeke azuife pepe, ataa e yeke angbaa wala angbaa pepe, e kue, e wara bateme ti Yingo oko titene e bongbi e ga tere oko; Nzapa amu na e kue gi oko Yingo so.

Rome 7:4

A-ita ti mbi, ye ni ayeke nga tongaso ndali ti ala: na lege ti kuâ so Christ akui, ala nga, ala kui si ala sigigi na gbe ti Ndia awe. Ti fadeso ala ga azo ti Christ, lo so azingo na kuâ awe; ala ga azo ti lo titene e sara anzoni ye ndali ti Nzapa.

Awatokua 14:27

So ala si na Antioshe, ala bongbi azo ti Eglize ni si ala fa na ala peko ti aye so kue Nzapa asara na lege ti ala. Ala fa nga na azo ni lege so Nzapa azi lege na azo ti amara nde ti ma na be.

Nzoni Tënë so Luc asu na mbeti 17:5

*Awatokua atene na *Kota Gbia: “Sara si mabe ti e akono.”

Awatokua 2:32

“Jésus so mbi yeke tene tënë ti lo so, Nzapa azingo lo na kuâ, e kue, e baa ye ni na le ti e.

Kolose 1:29

Ndali ni, mbi yeke sara kua si mbi yeke tiri ti hunzi kua ni na ngangu so Christ amu na mbi, ngangu so asara si mbi kpengba na ya ti kua ni.

Kolose 2:13

Ando, ala yeke azo so akui awe ndali ti asioni so ala sara nga ndali ti so ala fâ ganza ti tere pepe. Me fadeso, Nzapa akiri na ala na fini, ala na Christ. Lo zi asiokpari so ayeke na li ti e kue awe.