Jude 1:19 - Mbeti ti Nzapa - Tënë so amu fini

¹⁹ Azo so laa ayeke ga na kangbi na popo ti ala. Atënë ti be ti ala ayeke ti senge zo ti sese, me ala yeke na Yingo ti Nzapa pepe.

Jude 1:19 Referans Kwoze

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

Rome 8:9

Ti ala, ala yeke sara ye alingbi na asioni nzara ti be ti ala pepe, me ala yeke sara ye alingbi na ye so Yingo aye, ngbanga ti so Yingo ti Nzapa ayeke duti na be ti ala. Tongana zo ayeke na Yingo ti Christ pepe, lo yeke zo ti Christ pepe.

Jacques 3:15

Mara ti ndara tongaso alondo na yayu pepe, alondo na sese so, alondo na azo, alondo nga na Zabolo.

Ahebro 10:25

E do abongbi ti e, e zia pepe tongana ti so ambeni zo asara; me e mu wango na popo ti e ahon ti kozoni, ngbanga ti so ala baa so, lango ti Christ aga nduru awe.

Osée 9:10

KOTA GBIA atene: “Ando, mbi wara Israel tongana nzerengo ale ti *vinye na benyama. Mbi wara akotara ti ala tongana akozo nzoni le ti keke so asigigi na li ti keke ti fige. Me so akotara ti ala asi na Bet-Peor awe, ala mu tere ti ala kue na *Baal, nzapa ti kamene. Nilaa ala ga sioni mingi tongana anzapa so ala ye tënë ti ala so.

Amato 18:1

Zo so aye ti duti gi lo oko, lo yeke gi gi nzoni ti lo wani. Tongana a ye ti mu na lo wango, lo yeke sara ngonzo.

Osée 4:14

Me fade mbi yeke kiri peko ti sioni na amolenge ti ala ti wali pepe ndali ti sarango ye ti ndumba ti ala, wala mbi yeke kiri peko ti sioni na awali ti amolenge ti ala pepe ndali ti akoli ti amba ti ala so ala yeke gi so. Me mbi yeke kiri peko ti sioni na ala, awayango-sandaga, ngbanga ti so ala wani, ala yeke mu awali-ndumba so, ala yeke hon na ala na mbeni ndo si ala na awali-ndumba ni ayeke te kobe so a mu na sandaga na anzapa. Mbeni mato atene: ‘Mara so ahinga ndo pepe ayeke mara so ati awe.’

Ezekiel 14:7

“Tongana mbeni zo ti Israel wala mbeni wande so asara kodro na Israel ague yongoro na mbi, tongana lo leke ndo na be ti lo ndali ti ayanda ti lo, tongana le ti lo angba gi na ndö ti ye so ayeke sara si lo ti si lo sara sioni, zo tongaso, tongana lo ga ti baa wayanga-Nzapa na tënë ti lo, taa mbi wani, KOTA GBIA laa, mbi yeke kiri tënë na lo.

1 Korente 6:19

Ala hinga pepe atene, tere ti ala ayeke da so Yingo-Vuru ayeke duti daa? Yingo-Vuru so alondo na Nzapa si ayeke na ya ti ala. Ala yeke duti gi ndali ti ala wani pepe.

Ésaïe 65:5

Ala yeke tene na azo, atene: ‘Ngba yongoro, ga nduru na mbi pepe! Fade ye ti ngangu ayeke wara mo, ngbanga ti so a zia mbi nde awe.’ Tongana mbi baa aye so kue ala yeke sara, wâ ti ngonzo ti mbi ayeke londo si ayeke gbi ndo lakue.