Josué 8:2 - Mbeti ti Nzapa - Tënë so amu fini

² Fade mo yeke sara na gbata ti Ai na gbia ni gi mara ti ye so mo sara lani na gbata ti Jéricho nga na gbia ni. Me ala lingbi ti mu aye so ala yeke gbu na peko ti bira, anzoni ye nga na anyama ti gbata ni titene aga ti ala. Mo tokua ambeni turugu na hondengo ni na mbage ti peko ti gbata ni.”

Josué 8:2 Referans Kwoze

Ndia ti fani use ni 20:14

Aye so ala yeke gbu na peko ti bira si ala yeke bata ni ayeke awali, amolenge, anyama na aye so kue ayeke na ya ti gbata ni. Aye ti awato ti ala so ala yeke mu ni, fade ala yeke te ni senge; KOTA GBIA Nzapa ti ala amu ni na ala awe.

Amato 13:22

Zo ti nzoni ayeke zia anzoni ye na peko ti kuâ ti lo na *ahale ti lo; me mosoro ti zo ti siokpari ayeke ngba ndali ti azo ti mbirimbiri.

2 Mbai 20:22

Na ndembe so ala to nda ti he bia si ala yeke sepela KOTA GBIA, lo bi wusuwusu na popo ti azo so aga ti tiri bira na azo ti Juda: azo ti Amon, ti Moab na azo so ayeke lango na sese ti ahoto ti Seir. Ala wani ayeke tiri na popo ti ala.

Josué 6:21

Ala buba aye so kue ayeke na ya ti gbata ni; akoli na awali, amaseka na ambakoro, abagara, ataba na alele, ala fâ ala kue.

Jérémie 51:12

Ala yo na nduzu mbeni bendere so afa atene, ala yeke nduru ti tiri bira. Ala zia bendere ni na tere ti agbagba ti Babilone! Ala sara si wungo ti aturugu so ayeke bata ndo ni aga mingi ahon ti kozoni! Ala zia asanziri na tere ti agbagba ni; ala honde azo na ya ti ngonda! Biani, ye so KOTA GBIA aleke na be ti lo ti sara na azo ti Babilone so, lo yeke sara ye alingbi na ni.

Jérémie 17:11

Zo so awara mosoro na legeni pepe, lo yeke tongana dodoro so alango na ndö ti para so lo laa lo du ni pepe; so zo ni angba ti te gigi, mosoro ti lo ahon si na ndani, lo ga zo so li ti lo ayeke daa pepe.”

Amato 28:20

Zo so abata tënë ti yanga ti lo, fade a yeke sara tufa gbani gbani na ndö ti lo; me zo so aye ti ga zo ti mosoro na loro, a yeke zia peko ni na lo senge pepe.

Abia (Psaumes) 39:6

Baa, mo mu na mbi lango ti fini so ayeke nduru tongana ya ti maboko ti mbi. Na le ti mo, fini ti mbi ayeke ye oko pepe. Biani, ataa zo angba ngangu, lo yeke gi pupu senge. Luti kete

2 Mbai 13:13

Na ngoi ni so, Yeroboam atokua ambeni turugu ti luti na hondengo ni na mbage ti peko ti azo ti Juda; azo ti Israel ayeke na dawa ti ala si ambeni turugu ti Yeroboam aluti na hondengo ni na mbage ti peko ti azo ti Juda ni.

Josué 10:28

Gi na lango ni so, Josué amu gbata ti Makeda si lo fâ gbia ni na azo ti gbata ni kue; lo zia zo oko angba na fini pepe. Mara ti ye so lo sara na gbia ti Jéricho so, gi ni laa lo sara na gbia ti Makeda.

Josué 10:1

Adoni-Sedek, gbia ti Jérusalem, ama a tene, Josué amu gbata ti Ai si lo buba ni kue. Lo sara na gbata ti Ai na gbia ni gi mara ti ye so lo sara na gbata ti Jéricho nga na gbia ni. Lo ma nga atene, azo ti gbata ti Gabaon na azo ti Israel aleke tënë ti siriri si ala yeke lango ndo oko.

Josué 8:24

Azo ti Israel afâ azo ti Ai kue na ya ti ngonda, na benyama so ala tumba peko ti ala daa so. So azo ti Israel afâ azo ni kue, ahunzi ala awe, ala kue akiri na gbata ti Ai si ala fâ tanga ti azo ni kue.

Josué 8:19

Gi so lo yoro maboko ti lo, azo ti Israel so ahonde tere ti ala, asigigi hio na ndo so ala yeke daa, ala kpe, ala gue, ali na ya ti gbata ni si ala mu ni. Na pekoni, ala bi wâ daa hio.

Josué 8:14

Na ndaperere, so gbia ti Ai abaa azo ti Israel, lo na aturugu ti lo kue asigigi hio na ya ti gbata ni ti gue ti tiri bira na azo ti Israel, na oko ndo so lani ala tiri bira kozoni daa so; ndo ni ayeke na mbage ti popo-hoto ti Jourdain. Me lo hinga pepe lo tene, ambeni turugu ahonde tere ti ala na mbage ti peko ti gbata ni.

Josué 8:12

Josué asoro aturugu nduru na saki oku si lo mu yanga na ala ti honde tere ti ala na Do ti gbata ti Ai, na popo ti Betel na Ai.

Josué 8:9

Josué atokua aturugu ni na ndo so lo ye titene ala gue, ahonde tere ti ala daa so. Ala gue, aduti na mbage ti Do ti gbata ti Ai, na popo ti Betel na Ai. Ti Josué, lo na tanga ti aturugu ni angba alango na bi ni so.

Josué 8:7

Tongaso ala, aturugu, fade ala yeke sigigi na ndo so ala honde tere ti ala daa so si ala yeke mu gbata ni. Biani, KOTA GBIA, Nzapa ti ala ayeke zia ni na maboko ti ala.

Ndia ti fani use ni 3:2

Tongaso *KOTA GBIA atene na mbi: “Sara mbeto ti lo pepe! Mbi yeke zia lo na maboko ti mo, lo na aturugu ti lo nga na sese ti lo. Fade mo yeke sara na lo gi ye so mo sara na Sihon, gbia ti azo ti Amori, so lo yeke lango lani na gbata ti Heshebon.”

Josué 8:3

Josué na aturugu ti lo kue aleke tere ti ala ti gue ti tiri bira na gbata ti Ai. Lo soro aturugu saki baleota, angangu zo ti bira si lo tokua ala na bi.

Josué 8:8

Tongana ala mu gbata ni awe, fade ala yeke bi wâ daa alingbi na yanga so KOTA GBIA amu. Baa, yanga so mbi mu na ala laa.”

Ndia ti fani use ni 2:35

Ye so e gbu na peko ti bira ayeke gi anyama ti kodro na akungba so e wara na ya ti agbata so e mu ni.

Josué 9:3

Azo ti Gabaon ama tënë ti ye so Josué asara na agbata ti Jéricho na ti Ai.

Josué 11:14

Azo ti Israel amu akungba na anyama so kue ala gbu na peko ti bira na ya ti agbata ni. Me ala fâ azo ti agbata ni kue, ahunzi ala; ye so kue ayeke na fini, ala zia ni angba pepe.