Josué 3:9 - Mbeti ti Nzapa - Tënë so amu fini

⁹ Tongaso Josué atene na azo ti Israel, atene: “Ala pusu ge, ala ma tënë ti KOTA GBIA, Nzapa ti ala.”

Josué 3:9 Referans Kwoze

Ndia ti fani use ni 4:1

Moïse atene: Ala azo ti Israel, fadeso ala ma aye so ndia afa nga na atënë ti ndia so mbi yeke fa na ala titene ala sara ye alingbi na ni. Tongaso, fade ala yeke duti na fini si ala yeke gue ti mu sese so *KOTA GBIA, Nzapa ti akotara ti ala amu na ala.

Ndia ti fani use ni 12:8

Fade ala yeke kiri ti voro KOTA GBIA pepe tongana ti so e yeke sara ni ge laso so. Ge so, zo oko oko ayeke sara ye so ayeke nzoni na le ti lo wani.

Josué 3:8

Ti mo, fade mo mu yanga na awayango-sandaga so ayeke yo sanduku ti mbuki, mo tene: ‘Tongana ala si na ya ti ngu ti Jourdain ni awe, ala luti.’ ”

Josué 3:10

Na pekoni lo kiri lo tene: “Ye so ala yeke hinga atene, Nzapa so ayeke na fini ayeke na popo ti ala ayeke so: lo yeke tumba biani biani na dawa ti ala azo ti Kanaan, azo ti mara ti Het, ti Hivi, ti Perizi, ti Girgashi, ti Amori na azo ti mara ti Yebus.