Josué 24:26 - Mbeti ti Nzapa - Tënë so amu fini

²⁶ Josué asu atënë so na ya ti mbeti ti *Ndia ti Nzapa. Na pekoni, lo mu mbeni kota têne, lo leke ni aluti na nduzu na gbe ti keke ti shene, na ndo so a zia nde ndali ti KOTA GBIA.

Josué 24:26 Referans Kwoze

Awafango-ngbanga 9:6

Akota zo ti gbata ti Sishem na azo ti Bet-Milo kue abongbi tere ti ala. Ala gue na tere ti keke ti shene so ayeke na Sishem; keke ni ayeke na tere ti kota têne so a leke ni si aluti na nduzu. Kâ, ala mu Abimelek si lo ga gbia.

Tongo nda ti aye 35:4

Tongaso azo ni amu na Jacob anzapa ti akodro wande so ala yeke na ni, nga na *akati so ayeke na mê ti ala. Jacob amu ni si lo lu ni na gbe ti kota keke so ayeke nduru na Sishem.

Sigingo 24:4

Moïse asu na mbeti atënë kue ti KOTA GBIA. Na pekoni, lo londo na kota ndaperere, lo leke mbeni gbalaka na gbe ti hoto ni; lo leke nga angbongboro têne baleoko na use aluti na nduzu ndali ti mara baleoko na use ti Israel.

Tongo nda ti aye 35:8

Debora, wali so ayeke bata Rébecca akui; a lu lo na Betel, na mbage ti gbeni, na gbe ti keke ti shene so a iri ni “Keke ti shene ti toto.”

Tongo nda ti aye 31:45

Jacob amu mbeni têne, lo leke aluti na nduzu.

1 Samuel 7:12

Samuel amu mbeni têne si lo zia ni na popo ti Mispa na ndo so a iri ni Pembe. Lo di iri ti têne ni Eben-Ezer si lo tene: “KOTA GBIA amu maboko na e ngbii asi na ndo so.”