Josué 23:15 - Mbeti ti Nzapa - Tënë so amu fini

¹⁵ Biani, legeoko tongana ti so KOTA GBIA, Nzapa ti ala asara ye alingbi na azendo so lo mu na ala, fade lo yeke sara si aye ti sioni so kue lo tene tënë ni ayeke si na ala. Fade lo yeke sara si ala hunzi kue na ndö ti nzoni sese so lo mu na ala.

Josué 23:15 Referans Kwoze

1 Tesalonike 2:16

Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.

Awafango-ngbanga 13:1

Azo ti Israel akiri asara ye so ayeke sioni na le ti *KOTA GBIA; tongaso lo zia ala na maboko ti azo ti Filistii na ya ti ngu baleosio.

Awafango-ngbanga 6:1

Azo ti Israel asara ye so ayeke sioni na le ti *KOTA GBIA; tongaso KOTA GBIA azia ala na maboko ti azo ti Madian na ya ti ngu mbarambara.

Awafango-ngbanga 3:8

Tongaso, ngonzo ti KOTA GBIA alondo na tere ti ala tongana wâ; lo zia ala na gbe ti komandema ti Kushan-Rishataim, gbia ti Mezopotamii. Ala sara ngu miombe na gbe ti komandema ti lo.

Awafango-ngbanga 3:12

Azo ti Israel akiri asara ye so ayeke sioni na le ti *KOTA GBIA. Ndani laa KOTA GBIA amu ngangu na Eglon, gbia ti Moab titene lo gue na tere ti ala, ngbanga ti so ala sara ye so ayeke sioni na le ti KOTA GBIA.

1 Agbia 8:56

“Mbi mu singila na KOTA GBIA so amu siriri na azo ti lo, azo ti Israel, alingbi na zendo so lo mu. Biani, anzoni tënë so kue lo tene ando na lege ti Moïse, zo ti kua ti lo, mbeni oko angba senge pepe.

1 Agbia 14:15

KOTA GBIA ayeke pika azo ti Israel si ala yeke ga tongana sosongo so ayeke yingi na le ti ngu. KOTA GBIA ayeke zi ala na ndö ti nzoni sese so lo mu ando na akotara ti ala si lo yeke kangbi ala kirikiri na mbage ti ngu ti Efrate. Ye ni ayeke si ande na ala, ngbanga ti so ala zia ngonzo na be ti KOTA GBIA na lege so ala akeke aluti na nduzu ndali ti nzapa-wali *Ashera.

Ésaïe 24:6

Ndani laa Nzapa adeba sese ni si abuba, azo so alango na ndö ni ayeke wara ye ti peko ti sioni ti ala, ala yeke kui si ala ngba gi kete.

Jérémie 32:24

“Fadeso azo ti Babilone abongbi sese si aga *koto, ala ga nduru na gbata ni titene ala mu ni awe; ala yeke tiri bira titene ala mu gbata ni. Na lege ti bira, kota nzara na sioni kobela ti bubango kodro, gbaa fade gbata ni ayeke ti na maboko ti ala. Tënë so lani mo tene, ni laa asi awe so; ti mo, mo yeke baa gi ni bango!

Jérémie 35:17

Jérémie akiri atene: “Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala azo ti Juda na ala, azo ti Jérusalem, akpale so kue mbi tene tënë ni so, mbi yeke sara titene aga na ndö ti ala. Biani, mbi tene tënë na ala, me ala ma mbi pepe; mbi iri ala, me ala ke ti yeda.”

Awayango-sandaga 26:3

“Tongana ala sara ye alingbi na andia ti mbi, tongana ala bata atënë ti ndia ti mbi si ala sara ye alingbi na ni,

Jérémie 32:42

“Tënë so KOTA GBIA atene ayeke so: Legeoko tongana ti so mbi sara si kota kpale so aga na ndö ti azo ti Juda, mbi yeke sara nga si nzoni ye so kue mbi tene tënë ni aga na ndö ti ala.