Josué 2:5 - Mbeti ti Nzapa - Tënë so amu fini

⁵ So ndo ayeke vuko si azo aga nduru ti kanga yanga ti gbagba ti gbata ni, ala sigigi ague awe. Mbi hinga ndo so ala gue daa pepe. Ala tumba peko ti ala hio; fade ala yeke wara ala na lege.”

Josué 2:5 Referans Kwoze

Aye so Nzapa afa 21:25

Ayanga ti gbagba ni ayeke ngba na zingo ni lakue, ngbanga ti so fade ndo ayeke vuko na ndo ni so laoko pepe.

Ezekiel 47:12

Na yanga ti ngu ni mbage na mbage, mara ti akeke nde nde so a yeke te ale ni asigigi daa. Akugbe ni ayeke hole pepe; alengo ni ayeke hunzi na ndö ti amaboko ti keke ni pepe. Na ya ti nze oko oko, akeke ni ayeke le afini lengo, ngbanga ti so ala wara ngu so alondo na da so ayeke nde si ayeke nzoni kue. Ale ti keke ni ayeke ti tengo ni si akugbe ni ayeke ti kaingo na kobela.”

Jérémie 50:20

Na lango ni so, na ngoi ni kâ, azo ayeke gi ti wara sioni ye na li ti Israel, me sioni ye ni ayeke duti daa mbeni pepe; azo ayeke gi siokpari na li ti Juda, me ala yeke wara ni pepe. Biani, fade mbi yeke zi siokpari na li ti azo so mbi yeke zia ala titene ala ngba na fini; so tënë ti yanga ti KOTA GBIA laa.

Ésaïe 60:11

Ayanga ti gbagba ti mo ayeke ngba na zingo ni lakue. Na kota lâ wala na bi, a yeke kanga ni pepe. Tongaso, fade azo ayeke mu amosoro ti amara nde ti ga na ni na ndo ti mo; agbia ti ala ayeke ga molongo na molongo.

Néhémie 13:19

Biaku, mbi mu yanga titene a kanga ayanga ti gbagba ti Jérusalem na lakui, kozo titene lango ti wungo tere ato nda ni. Mbi mu nga yanga titene a zi ayanga ti gbagba ni pepe tongana lango ti wungo tere ade ti hunzi pepe. Mbi zia ambeni zo ti kua ti mbi ti bata ayanga ti gbagba ni si mbeni zo ali na kungba pepe na ya ti gbagba ni na lango ti wungo tere.

Josué 2:7

Azo so gbia atokua ala atumba peko ti azo ti bembengo ndo ni. So ala hon gi tongaso, azo akanga yanga ti gbagba ti gbata ni. Awatokua ni amu lege so ague na ndo so azo ayeke fâ ngu ti Jourdain daa na gere so ti gi ala.

Josué 2:4

Me wali ni amu azo use so, lo gue, lo honde ala. Na pekoni, lo tene: “Biani, azo so aga na ndo ti mbi; me mbi hinga ndo so ala londo daa si ala ga so pepe.

Josué 2:6

Andaa lo mu fade azo ni, lo gue na ala na li ti da ti lo, na ndo so a leke si azo ayeke duti daa so; lo honde ala na popo ti akeke ti *len so lo leke ni kâ.

1 Samuel 19:14

Tongana Saul atokua azo ti gbu David, Mikal atene: “Tere ti lo aso.”