Josué 18:14 - Mbeti ti Nzapa - Tënë so amu fini

¹⁴ Na Do ti hoto ni, katikati ni angoro ti gue na mbage ti Mbongo si asi na Kiriat-Baal, so a iri ni nga Kiriat-Yearim, so ayeke gbata ti azo ti Juda. So katikati ni na mbage ti Do laa.

Josué 18:14 Referans Kwoze

Josué 15:9

Na ndo so, katikati ni angoro asi na li ti ngu ti Neftoa; ague, asi na agbata so ayeke nduru na hoto ti Efron, akiri angoro ahon na mbage ti Baala, so a iri ni nga Kiriat-Yearim.

2 Samuel 6:2

David na aturugu so kue ayeke na tere ti lo ague na gbata ti Baala, na sese ti Juda. Ala gue kâ ti mu sanduku ti *mbuki ti Nzapa; iri ti *KOTA GBIA so ngangu ti lo ahon angangu kue ayeke na ndö ti sanduku ni, KOTA GBIA so ayeke duti na ndö ti *asheruben so ayeke na ndö ti sanduku ni.

Josué 15:60

Ambeni gbata ni ayeke Kiriat-Baal, so a iri ni nga Kiriat-Yearim, na Raba. Agbata ni kue ayeke use, ala na akete akodro so ayeke na tere ni.

Josué 9:17

Azo ti Israel amu lege ague si lango ota na pekoni, ala li na ya ti agbata ti azo ni; agbata ni ayeke Gabaon, Kefira, Beerot na Kiriat-Yearim.

Josué 18:13

Katikati ni alondo na ndo so asi na Luz, na Mbongo ti Luz ni, so a iri ni nga Betel. Na pekoni, katikati ni azu ague na Atrot-Adar, na ndö ti hoto so ayeke na Mbongo ti Bet-Horon-ti-gbeni.

Josué 18:15

Katikati ni na mbage ti Mbongo alondo na Kiriat-Yearim, ague na mbage ti Do si asi na ndo so ali ti ngu ti Neftoa ayeke daa.

1 Samuel 13:18

Use kangbi ni amu lege so ague na Bet-Horon si ota kangbi ni amu lege so ague na katikati ti kodro ni, na popo-hoto so a iri ni agbongo na mbage ti benyama.