Josué 17:11 - Mbeti ti Nzapa - Tënë so amu fini

¹¹ Na sese ti Isakar na ti Aser, a mu na azo ti mara ti Manase Bet-Shean na Ibleam nga na akete kete kodro so ayeke na tere ni. A mu nga na ala Dor, En-Dor, Taanak, Megido na azo ti agbata ni nga na akete kete kodro so ayeke na tere ni, so ti tene lando ti Dor.

Josué 17:11 Referans Kwoze

1 Mbai 7:29

Agbata so ahale ti Manase awara ayeke so: Bet-Shean na akete kodro so ayeke na tere ni, Taanak na akete kodro so ayeke na tere ni, Megido na akete kodro so ayeke na tere ni nga na Dor na akete kodro so ayeke na tere ni. So ayeke agbata so amolenge ti Joseph, molenge ti Jacob aduti daa laa.

2 Agbia 9:27

So Ahazia, gbia ti Juda abaa ye ni tongaso, lo kpe, lo mu lege ti Bet-Gan. Me Yehu atumba peko ti lo si lo mu yanga na amba ti lo, atene: “Lo nga, ala fâ lo!” Azo ni akpo lo na ndö ti pusu ti mbarata ti lo na lege so ague na Gur, nduru na tere ti Ibleam. Me Ahazia awara lege ti kpe ti si na Megido si lo kui kâ.

Awafango-ngbanga 5:19

Agbia so ayeke awato asi, ala sara bira; agbia ti Kanaan atiri bira na Taanak, nduru na ngu ti Megido. Me ala gbu kungba wala nginza na peko ti bira pepe.

Awafango-ngbanga 1:27

Mara ti Manase awara lege pepe ti mu agbata tongana: Bet-Shean, Taanak, Dor, Ibleam na Megido nga na akete kodro so ayeke na tere ni titene aga ti ala. Azo ti Kanaan angba ti lango na sese ni so.

Josué 12:23

Dor so ayeke na tere ti ngu, Goim so ayeke na Gilgal,

Abia (Psaumes) 83:10

Sara na ala tongana ti so mo sara na Madian, tongana ti so mo sara na Sisra nga na Yabin na yanga ti ngu ti Kishon.

1 Agbia 9:15

Gbia Salomon agbu azo na ngangu titene ala sara kota da ti KOTA GBIA, yangbo ti gbia, ndo so iri ni Milo, gbagba ti Jérusalem na agbata ti Hasor, ti Megido na ti Gezer.

1 Samuel 31:10

Ala zia aye ti bira ti Saul na ya ti da ti nzapa *Astarte si ala pika kuâ ti Saul na pondi na tere ti gbagba ti Bet-Shean.

1 Samuel 28:7

Saul atene na aturugu ti lo ti kota kamba, atene: “Ala gi na mbi mbeni wali so ayeke hunda yingo ti akuâ titene mbi gue, mbi baa lo.” Aturugu ni atene na lo: “Mbeni wali so ayeke hunda yingo ti akuâ ayeke na kodro ti En-Dor.”

Josué 11:2

Lo tokua nga na agbia so ayeke na sese ti ahoto so ayeke na Banga, na ala so ayeke na popo-hoto ti Jourdain, na mbage ti Mbongo ti kota ngu ti Genezaret, na ala so ayeke na *Kodro-ti-gbeni, na ala so ayeke na sese ti lando ti Dor na mbage ti Do.

Zakarii 12:11

Na lango ni so, azo ayeke toto kuâ mingi na Jérusalem tongana ti so azo ayeke toto kuâ ti Hadad-Rimon na popo-hoto ti Megido.

2 Mbai 35:22

Me Yosias aye gi ti tiri bira na Neko. Tënë so Nzapa azia na yanga ti Neko si lo tene so, Yosias ama ni pepe. Tongaso, lo zi bongo ti lo si lo yu mbeni nde titene azo ahinga lo pepe si lo gue ti tiri bira na popo-hoto ti Megido.

1 Samuel 31:12

Akpengba turugu atambula bi bi bi, ala gue, azi kuâ ti Saul na ti amolenge ti lo na tere ti gbagba ti Bet-Shean, ala kiri na Yabesh si ala gbi ni.

Josué 16:9

A mu nga na ala ambeni gbata na akete kodro so ayeke na tere ni na sese ti azo ti mara ti Manase.

Josué 12:21

Taanak, Megido,

Josué 17:10

Tongaso, sese ti azo ti mara ti Efraim amu mbage ti Mbongo kue si ti azo ti mara ti Manase amu mbage ti Banga. Kota ngu-ingo ti Mediterane laa akangbi popo ti ala, na mbage ti Do. Azo ti mara ti Aser ayeke na mbage ti Banga-Do ti sese ti Manase si azo ti mara ti Isakar ayeke ti ala na mbage ti Banga-To.

Josué 17:16

Ahale ti Joseph atene na lo: “Biani, sese ti ahoto ni alingbi na e pepe. Me azo ti Kanaan so kue ayeke duti na sese ti alando ayeke na apusu ti bira so a sara na wen; azo so ayeke na Bet-Shean na akete kete kodro so ayeke na tere ni nga na ala so ayeke na popo-hoto ti Yizreel, ala nga ayeke na apusu ti mbarata ti wen.”

2 Samuel 21:12

Tongaso, David ague na ndo ti azo ti Yabesh, na sese ti Galaad titene lo ro abio ti Saul na ti molenge ti lo Jonatan. Biani, na ndembe so lani azo ti Filistii akinda Saul na hoto ti Gilboa, ala kanga kuâ ti lo na ti Jonatan na tere ti gbagba ti Bet-Shean. Kâ laa azo ti Yabesh aga anzi kuâ ti Saul na ti Jonatan.

Jérémie 49:2

Ndani laa, ambeni lango ayeke ga so mbi yeke sara titene azo ama dekongo ti bira na Raba, li-kodro ti azo ti mara ti Amon; so tënë ti yanga ti KOTA GBIA laa. Fade gbata ni ayeke ga ngonda, wâ ayeke gbi akete kodro so ayeke na tere ni. Na pekoni, Israel ayeke kiri ti mu ye so ayeke lani ti lo.” Tënë so KOTA GBIA atene laa.