Josué 16:4 - Mbeti ti Nzapa - Tënë so amu fini

⁴ Sese so a mu na amara ti Manase na ti Efraim laa; ala yeke *ahale ti Joseph.

Josué 16:4 Referans Kwoze

Josué 17:14

*Ahale ti Joseph atene na Josué: “Ngbanga ti nyen si mo mu na e gi mbage ti sese oko, e so KOTA GBIA asara tufa na ndö ti e si e wu mingi so?”

Josué 16:5

Katikati ti sese ti mara ti Efraim alingbi na akete mara ti ala ayeke so: na mbage ti To, katikati ni alondo na Atrot-Adar, ague ngbii asi na Bet-Horon-ti-nduzu;

Tongo nda ti aye 41:52

Lo di iri ti use molenge ni Efraim, ngbanga ti so lo tene na be ti lo, lo tene: “Nzapa asara si mbi ga zo ti dungo ni na sese so a sara pasi na mbi.”

Josué 14:4

Biani, amolenge ti Joseph akangbi popo ti ala na amara use: mara ti Manase na mara ti Efraim. A mu mbeni mbage ti sese ni oko na azo ti mara ti Lévi pepe, a mu na ala gi akodro titene ala duti daa, na ando ti tengo pere so ayeke na tere ni ndali ti anyama ti ala na akungba ti ala.

Josué 18:5

Fade ala yeke kangbi ya ti sese ni mbarambara. Azo ti mara ti Juda ayeke duti na sese ti ala na mbage ti Mbongo, ala ti Joseph ayeke duti na sese ti ala, na mbage ti Banga.

Ezekiel 47:13

Tënë so Kota Gbia NZAPA atene ayeke so: “Mbi yeke fa na ala akatikati ti sese so ala amara baleoko na use ti Israel ayeke kangbi na popo ti ala. Na ya ti kangbingo ye ni, mara ti Joseph ayeke wara ti lo use.