Josué 13:7 - Mbeti ti Nzapa - Tënë so amu fini

⁷ Fadeso, mo kangbi sese ni na tanga ti amara gumbaya ni nga na ndambo ti mara ti Manase titene aga ti ala.”

Josué 13:7 Referans Kwoze

Wungo ti azo 33:54

Ala yeke bi mbeni ye ti baa lege so ala yeke kangbi sese ni na amara ti ala oko oko nga na akete mara ti ala oko oko. Kete mara so azo ni ayeke mingi, fade a yeke mu na ala sese so akono; kete mara so azo ni ayeke mingi pepe, a yeke mu na ala sese so ayeke kete. Mara oko oko ayeke wara sese alingbi gi na ye so a bi si afa.

Josué 13:6

Mbeni sese so angba ayeke sese so ahoto ayeke daa so ayeke na popo ti Liban na Misrefot-Maim; azo ti sese ni kue ayeke azo ti Sidon. Na singo ti ala azo ti Israel, mbi yeke tumba azo ti sese ni. Mo yeke bi mbeni ye ti baa lege so mo yeke kangbi sese ni na popo ti azo ti Israel titene aga ti ala, tongana ti so mbi mu yanga na mo.

Josué 13:8

Azo ti mara ti Ruben, ti Gad na kozo ndambo ti mara ti Manase awara ti ala asese ni awe na mbage ti To ti Jourdain. Moïse, zo ti kua ti *KOTA GBIA laa amu na ala titene aga ti ala.

Abia (Psaumes) 78:55

Lo tumba amara nde na dawa ti ala, lo haka sese ti amara ni si lo kangbi ni na azo ti lo titene aga ti ala, lo sara si amara ti Israel aduti na gbe ti ada ti bongo ti azo ni.

Abia (Psaumes) 105:44

Na pekoni, lo mu na ala sese ti amara nde si ye ti peko ti kua ti amara ni aga ti ala.

Ezekiel 45:1

“Tongana ala yeke kangbi ande sese ni, ala bata mbeni ndali ti *KOTA GBIA, ala zia ni nde ndali ti lo. Fade ayo kudee 25 000 na mbage, kudee 20 000 na mbeni mbage; sese ni kue ayeke nde si ayeke nzoni kue.

Wungo ti azo 34:13

Moïse afa atënë so kue na azo ti Israel. Na pekoni, lo tene na ala: “So ayeke sese so KOTA GBIA amu yanga titene a bi mbeni ye si a kangbi ni na popo ti amara gumbaya nga na ndambo ti mara ni laa.

Josué 14:2

A bi mbeni ye ti baa lege so a yeke kangbi sese ni na amara gumbaya na ndambo so ade ti wara sese pepe. Ala sara ni tongana ti so *KOTA GBIA amu yanga na Moïse.