Josué 10:6 - Mbeti ti Nzapa - Tënë so amu fini

⁶ Azo ti Gabaon atokua azo na Josué so ayeke na bâbâ ti Gilgal ti tene na lo, atene: “Mo zia pepe ti mu maboko na e, azo ti kua ti mo. Ga hio mo mu maboko na e, mo soo e na kuâ! Biani, agbia kue ti Amori so ayeke na sese ti ahoto ama tere ti tiri bira na e.”

Josué 10:6 Referans Kwoze

Josué 9:6

Ala gue, awara Josué na ya ti bâbâ so ayeke na Gilgal si ala tene na lo na azo ti Israel, atene: “E londo na mbeni kodro yongoro si e ga so. Fadeso, e hunda na ala titene e na ala e ga ambuki.”

Josué 5:10

Azo ti Israel asara bâbâ na Gilgal. Na lango baleoko na osio ti nze ni, na lakui, ala sara *matanga ti Pake na lando ti Jéricho.

Nzoni Tënë so Luc asu na mbeti 1:39

Na ya ti alango ni so, Marie amu lege si lo gue hio na mbeni gbata ti Judée, sese so ahoto ayeke daa mingi.

Ésaïe 33:22

Biani, KOTA GBIA ayeke fâ ngbanga na popo ti e, lo laa lo yeke fa na e ndia. KOTA GBIA ayeke gbia ti e, lo laa lo yeke soo e.

Abia (Psaumes) 125:2

KOTA GBIA ayeke ngoro azo ti lo tongana ti so ahoto angoro Jérusalem kue, ti londo fadeso ti gue na ni, kpu na kpu.

2 Agbia 4:24

Wali ni aleke lele ni si lo tene na zo ti kua ti lo: “E gue! Mo kpe na lele ni, mo luti na lege pepe. Tongana mbi mu yanga na mo si mo luti.”

Josué 21:11

a mu na ala Kiriat-Arba, so a iri ni nga Hebron, na sese ti Juda, ndo so ahoto ayeke daa. Arba ayeke kotara ti azo ti mara ti Anak. A mu na ala gbata ni na ando ti tengo pere so ayeke nduru na ala ndali ti anyama ti ala.

Josué 9:15

Josué na azo ni aleke tënë ti siriri si ala ga ambuki; lo zia ala si ala ngba na fini. Akota zo ti bongbi ti azo ni adeba yanga ti ala ti bata tënë ti mbuki ni.

Ndia ti fani use ni 1:15

Tongaso, mbi mu azo so ayeke na li ti amara ti ala, azo ti ndara na azo so iri ti ala awu nzoni, mbi zia ambeni na li ti azo saki oko, ambeni na li ti azo ngbangbo oko, ambeni na li ti azo baleoku, ambeni na li ti azo baleoko. Mbi zia ambeni ti baa ndo na ndö ti akua na ya ti amara oko oko.

Wungo ti azo 13:29

Azo ti mara ti Amalek alango na mbage ti Mbongo, azo ti mara ti Het, ti Yebus na ti Amori alango na ndö ti ahoto si azo ti mara ti Kanaan alango ti ala na tere ti kota ngu-ingo nga na tere ti ngu ti Jourdain.”

Josué 10:5

Agbia oku ti Amori, so ti tene gbia ti Jérusalem, gbia ti Hebron, gbia ti Yarmut, gbia ti Lakish na gbia ti Eglon ama tere; ala na aturugu ti ala kue alondo, ala gue, angoro gbata ti Gabaon si ala tiri bira na gbata ni.

Josué 10:7

Tongaso Josué alondo na Gilgal, lo na aturugu ti lo kue nga na angangu zo ti bira kue.

Josué 9:8

Azo ti Hivi atene na Josué: “E yeke azo ti kua ti mo.” Josué ahunda ala, atene: “Ala yeke azo wa? Ala londo na ndo wa?”