Josué 1:6 - Mbeti ti Nzapa - Tënë so amu fini

⁶ Gbu ngangu, mo sara ye ti koli, ngbanga ti so mo laa mo yeke sara ande titene kodro so mbi deba yanga ti mbi ti mu na akotara ti ala, aga ye ti ala.

Josué 1:6 Referans Kwoze

Daniel 10:19

Na pekoni, lo tene na mbi, lo tene: ‘Mo koli so Nzapa aye lo mingi so, mo sara mbeto pepe! Ayeke nzoni mo duti na siriri! Wara ngangu, kpengba tere ti mo!’ So lo yeke tene tënë na mbi, ngangu ti mbi ato nda ti ga daa si mbi tene na lo, mbi tene: ‘Babâ, mo lingbi ti tene tënë senge, ngbanga ti so mo mu na mbi ngangu awe.’

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 1:7

Biani, gbu ngangu, mo sara ye ti koli; mo sara ye alingbi na *Ndia so kue Moïse, zo ti kua ti mbi, afa na mo. Mo zia lege ti Ndia ni ti gue mbage na mbage pepe; tongaso si na ndo so kue mo yeke gue daa, aye so kue mo yeke sara, fade ayeke ga nzoni.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

1 Korente 16:13

Le ti ala akpengba, ala gbu ngangu na lege ti mabe, ala duti tongana akoli, ala kpengba!

2 Timothée 2:1

Ti mo, molenge ti mbi, mo kpengba na ya ti nzoni be so Nzapa asara na e na lege so e ga oko na Jésus Christ.

1 Mbai 28:10

Mo baa fadeso, KOTA GBIA asoro mo titene mo sara da so a yeke zia ni nde ndali ti lo. Ayeke nzoni mo gbu ngangu, mo sara ye!”

1 Mbai 22:13

Tongana mo sara ye na lege ti aye so ndia afa nga na lege ti ambela ti KOTA GBIA so lo mu na Moïse ndali ti azo ti Israel, fade aye ti mo kue ayeke ga nzoni. Gbu ngangu, mo sara ye ti koli, zia mbeto asara mo pepe, zia mbeto ahon ndö ti mo pepe.

Aggée 2:4

Ti fadeso, Zorobabel, gbu ngangu! So tënë ti yanga ti KOTA GBIA laa. Yeshua, kota wayango-sandaga, molenge ti Yosadak, gbu ngangu! Ala azo ti kodro ni kue, ala gbu ngangu! So tënë ti yanga ti KOTA GBIA laa. Ala kue alondo, asara kua! Biani, mbi yeke na ala! So tënë ti yanga ti KOTA GBIA so ayeke na ndö ti dunia kue laa.

Abia (Psaumes) 27:14

Zia be ti mo ti ku KOTA GBIA! Gbu ngangu! Kanga be ti mo! Zia be ti mo ti ku KOTA GBIA!

Zakarii 8:9

Tënë so KOTA GBIA so ayeke na ndö ti dunia kue atene ayeke so: “Ala gbu ngangu! Ala ma fadeso atënë so awayanga-Nzapa atene na ngoi so a yeke zia agere ti kota da ti KOTA GBIA titene akiri asara da ni.

1 Agbia 2:2

“Mbi ga nduru ti zia sese so awe. Mo gbu ngangu, mo sara ye ti koli!

Tongo nda ti aye 26:3

Mo duti na kodro ni; mbi yeke ande na mo si mbi yeke sara tufa na ndö ti mo, ngbanga ti so mbi yeke mu asese so kue na mo na *ahale ti mo. Mbi yeke sara ye alingbi na tënë ti yanga ti mbi so mbi deba na babâ ti mo Abraham so.

1 Samuel 4:9

Ala azo ti Filistii, ala gbu ngangu! Ala sara ye ti koli si ahebro amu ala na ngbaa pepe tongana ti so lani e mu ala na ngbaa so. Ala sara ye ti koli, ala tiri bira ngangu!”

Ndia ti fani use ni 31:23

Na pekoni KOTA GBIA amu tënë ti yanga ti lo na Josué, molenge ti Nune, atene: “Gbu ngangu, mo sara ye ti koli, ngbanga ti so mo laa mo yeke sara ande si azo ti Israel ali na kodro so mbi deba yanga ti mbi ti mu na ala; fade mbi yeke na mo.”

Ndia ti fani use ni 1:21

Ala baa: KOTA GBIA Nzapa ti ala amu na ala sese ni awe. Ala gue, amu ni tongana ti so KOTA GBIA, Nzapa ti akotara ti ala amu lani yanga daa na ala. Ala sara ye ti koli, ala sara mbeto pepe!”

Ndia ti fani use ni 11:8

Nilaa, alingbi ala sara ye alingbi na atënë ti yanga ti mbi so kue mbi yeke tene na ala laso. Tongaso, fade ala yeke wara ngangu so alingbi titene ala gue, amu sese so ala yeke li na ya ni;

2 Samuel 10:12

Mo gbu ngangu, e sara ye ti koli ndali ti azo ti e nga ndali ti agbata ti Nzapa ti e. Ayeke nzoni *KOTA GBIA asara ye so be ti lo aye.”

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Wungo ti azo 26:53

“Fadeso, mo kangbi sese ni na popo ti amara so; mo kangbi ni alingbi na wungo ti azo ti mara oko oko si aga ye ti ala wani.

Wungo ti azo 33:53

Ala yeke mu sese ni, ala yeke lango daa, ngbanga ti so mbi mu ni na ala titene aga ti ala.

Ndia ti fani use ni 1:8

Ala baa: mbi mu na ala sese so awe. Ala gue, amu ni titene aga ti ala, ngbanga ti so ayeke sese so mbi, KOTA GBIA, mbi deba yanga ti mbi ti mu na akotara ti ala Abraham, Isaac na Jacob nga na *ahale ti ala na peko ti ala!”

Josué 1:18

Zo so kue ayeke londo ti ke yanga ti mo si lo ma atënë ti mo pepe, fade a yeke fâ lo. Ti mo, gbu ngangu, mo sara ye ti koli!”

Josué 5:6

Azo ti Israel atambula na benyama ngu baleosio. So ngu baleosio ni ahunzi awe, akoli ti tiringo bira so alondo na Ezipte asigigi, ala kue akui. Ala kui, ngbanga ti so ala ma yanga ti KOTA GBIA pepe; KOTA GBIA adeba yanga ti lo lani atene, ni yeke zia ala titene ala li na ya ti kodro ni so pepe, kodro so lo deba yanga ti mu na akotara ti ala; *kodro so ngu ti me ti bagara na mafuta ti wotoro asi singo daa.

Josué 10:25

Josué atene na ala: “Ala sara mbeto pepe, ala woko pepe! Ala gbu ngangu, ala sara ye ti koli! Fade KOTA GBIA ayeke sara gi mara ti ye so na awato ti ala so kue ala yeke tiri bira na ala.”

Josué 13:6

Mbeni sese so angba ayeke sese so ahoto ayeke daa so ayeke na popo ti Liban na Misrefot-Maim; azo ti sese ni kue ayeke azo ti Sidon. Na singo ti ala azo ti Israel, mbi yeke tumba azo ti sese ni. Mo yeke bi mbeni ye ti baa lege so mo yeke kangbi sese ni na popo ti azo ti Israel titene aga ti ala, tongana ti so mbi mu yanga na mo.

Josué 18:3

Josué atene na ala, atene: “Ala yeke ku ngbii asi lawa si ala yeke gue ti mu sese so *KOTA GBIA, Nzapa ti akotara ti ala, amu na ala so?

Josué 21:43

KOTA GBIA amu na azo ti Israel sese so kue lo deba yanga ti lo ti mungo na akotara ti ala. Ala mu ni aga ti ala si ala duti daa biani biani.

1 Mbai 28:20

Na pekoni, David atene na molenge ti lo Salomon: “Gbu ngangu, sara ye ti koli, mo sara ye! Zia mbeto asara mo pepe, zia mbeto ahon ndö ti mo pepe! Fade KOTA GBIA, Nzapa ti mbi ayeke na mo, lo yeke girisa mo pepe, lo yeke zia mo pepe, ngbii kua ti kota da ti KOTA GBIA ahunzi.

2 Mbai 15:7

Me ti ala fadeso, azo ti Israel, ala gbu ngangu, be ti ala awoko pepe. Fade ala yeke wara futa ti kua ti ala.”

2 Mbai 20:7

Mo laa mo yeke Nzapa ti e so mo tumba ando azo ti kodro so na dawa ti azo ti Israel, azo ti mo; mo mu kodro ni na *ahale ti Abraham so aye mo mingi; mo mu kodro ni na ala titene aga ti ala biani biani!

2 Mbai 20:11

Me laso, ye so ala ye ti futa na e, ayeke ti ga ti tumba e na ndö ti sese so mo mu na e!