Joël 2:21 - Mbeti ti Nzapa - Tënë so amu fini

²¹ Sese, mo sara mbeto pepe, me mo dodo na ngia, mo duti na ngia, ngbanga ti so KOTA GBIA asara akota ye.

Joël 2:21 Referans Kwoze

Ésaïe 54:4

Sara mbeto pepe, ngbanga ti so kamene ayeke kiri ti sara mo pepe. Sara kamene pepe, ngbanga ti so azo ayeke kiri ti zonga mo pepe. Kamene so ando mo ngba maseka si ayeke sara mo so, fade mo yeke girisa ni. So lani mo yeke wali-mua si azo ayeke zonga mo so, fade mo yeke girisa zongango ndo ni.

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Ésaïe 35:1

Ayeke nzoni benyama na kuru sese aduti na ngia! Ayeke nzoni lando so ngu ayeke daa pepe adodo na ngia, lo du apendere kongo!

1 Samuel 12:16

Fadeso, ala luti ge, fade ala yeke baa na le ti ala ye ti kpene so KOTA GBIA ayeke sara.

Zakarii 8:15

Ti fadeso, mbi leke na be ti mbi ti sara nzoni na ala, azo ti Jérusalem nga na ala, azo ti kodro ti Juda kue. Ala sara mbeto pepe!

Joël 2:20

Wato ti ala so alondo na Banga si aga, fade mbi yeke tumba lo yongoro na tere ti ala; mbi yeke tumba lo titene lo gue na ndo so ngu ayeke daa pepe si ye oko ayeke daa pepe. Aturugu so ayeke na dawa ti lo, mbi yeke bi ala na ya ti kota ngu-ingo so ayeke na mbage ti To; aturugu so ayeke na peko ti lo, mbi yeke bi ala na ya ti kota ngu-ingo ti Mediterane na mbage ti Do; fade kuâ ti ala ayeke fun sioni, ayeke fun amu ndo kue. Biani, lo sara akota ye.”

1 Samuel 12:24

Gi ye oko, ala kpe mbeto ti KOTA GBIA, ala sara kua na lo na lege ti mbirimbiri, na be ti ala kue. Ayeke nzoni ala hinga aye ti kpene so lo sara ndali ti ala.

Ndia ti fani use ni 4:32

Moïse akiri atene: Ala azo ti Israel, ala gbu li ti ala na ndö ti aye so asi giriri kozoni, ye so asi kozoni na ala, ngbene ye so Nzapa asara zo na ndö ti sese. Ala gbu li ti ala na ndö ti ye so asi, ti londo na mbeni mbage ti yayu asi na mbeni mbage ni. Mbeni kota ye tongaso asi laoko awe? Zo ama mbeni tënë tongaso laoko awe?

Abia (Psaumes) 98:8

Ayeke nzoni *abale apika maboko na lo, ayeke nzoni ahoto abongbi oko ti dekongo na ngia

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

Osée 2:21

Fade mo yeke duti wali so mbi mu mo titene mo ga wali ti mbi kpu na kpu. Ye so mbi yeke ka na peko ti mo ayeke ye ti mbirimbiri nga na ndia, yengo tere nga na nzoni be.

Ésaïe 44:23

Biani, *KOTA GBIA ayeke sara ye. Tongaso yayu, mo dekongo na ngia; gbe ti sese so alinda mingi, mo dodo na ngia! Ahoto, ala dekongo na ngia; ala agbako, ala na akeke ti ala, ala dekongo na ngia. Biani, KOTA GBIA azi Jacob awe, lo fa gonda ti lo na sese ti Israel.

Ésaïe 55:12

Fade ala yeke londo na Babilone na ngia, a yeke kiri na ndo ti ala na siriri. Na hongo ti ala, ahoto na akete hoto ayeke dekongo na ngia, akeke kue ti ngonda ayeke pika sako.

Abia (Psaumes) 71:19

Nzapa, batango tënë ti yanga ti mo so mo yeke bata ague ngbii asi na le ti nduzu! Mo sara akota ye mingi! Nzapa, zo wa laa alingbi na mo, zo wa?

Joël 2:26

Fade ala yeke te kobe, ya ti ala asi, ala yeke sepela KOTA GBIA, Nzapa ti ala, lo so lo sara akota ye ndali ti ala so. Kamene ayeke kiri ti gbu le ti azo ti mbi laoko pepe.