Joël 2:17 - Mbeti ti Nzapa - Tënë so amu fini

¹⁷ Ayeke nzoni awayango-sandaga so ayeke sara kua ti *KOTA GBIA, ala luti na popo ti yanga ti da na gbalaka, ala toto. Ala voro tere ti ala na Nzapa, atene: “KOTA GBIA, baa mawa ti azo ti mo, sara si kamene agbu le ti azo ti mo pepe si amara nde ahe ala pepe. Ngbanga ti nyen si azo alingbi ti tene na popo ti amara nde, atene: ‘Nzapa ti ala ni ayeke na ndo wa?’ ”

Joël 2:17 Referans Kwoze

Ezekiel 8:16

Lo mu mbi, lo gue na mbi na ya ti gbagba ti kota da ti lo. Na yanga ti ndo so ayeke nde si ayeke nzoni kue, ambeni koli so li ti ala nduru na baleuse na oku aluti na popo ti ya ti gbagba ni na gbalaka. Ala zia peko ti ala na ndo so ayeke nde si ayeke nzoni kue so si ala yeke baa ndo na mbage so lâ ayeke londo daa. Ala yeke kuku akpo li ti ala na sese ti voro lâ.

Abia (Psaumes) 115:2

Ngbanga ti nyen si amara nde ayeke hunda ndo, atene: “Nzapa ti ala ni ayeke na ndo wa?”

Abia (Psaumes) 79:10

Ngbanga ti nyen si amara nde alingbi ti tene: “Nzapa ti ala ni ayeke na ndo wa?” Ayeke nzoni mo fa na azo ni na le ti e si ala hinga biani atene, mene ti azo ti mo so atuku so, mo yeke zia peko ni angba senge pepe.

Matthieu 23:35

Tongaso, fade ngbanga ti mene ti azo ti mbirimbiri so kue ala fâ ala so ayeke kiri na li ti ala. Kozo zo so a fâ lo ayeke Abel, zo ti mbirimbiri. Tanga ti zo ni ayeke Zakarii, molenge ti Barashii; a fâ ando lo na popo ti ndo so ayeke nzoni kue na ti gbalaka ti *sandaga, na kota da ti Nzapa.

Amos 7:2

So agbadola ni ate apere ti ya ti kodro ni kue awe, mbi tene: “Kota Gbia NZAPA, mbi gbu gere ti mo, mo zi sioni ti azo ti mo maa! Fade Jacob alingbi ti gbu le ni? So lo ngba kete mingi so!”

Joël 1:9

Azo akiri aga na *sandaga ti le ti kobe pepe, wala ala kiri aga na sandaga ti samba na ya ti kota da ti KOTA GBIA pepe. Ndani laa awayango-sandaga so ayeke sara kua ti KOTA GBIA ayeke na mua.

Osée 14:2

Israel, kiri na *KOTA GBIA Nzapa ti mo, ngbanga ti so sioni ti mo asara si mo ti.

1 Agbia 6:3

Na dawa ti kota da ti Nzapa, a sara mbeni kubu so a yeke hon daa ti li na ya ti da ni. Kubu ni so alingbi na nduru ti kota da ti Nzapa ni kue, so ti tene metere baleoko. Ti hon na ya ti kubu ni ayeke metere oku.

Sigingo 34:9

Na pekoni, lo tene: “Kota Gbia, tongana mo baa mbi na nzoni le, ayeke nzoni KOTA GBIA, mo tambula na popo ti e! Biani, azo so ayeke azo ti ngangu li. Me ayeke nzoni mo zi sioni ti e na siokpari ti e na li ti e; mo baa e tongana ye so aga ti mo!”

Mishe 7:10

Fade wato ti mbi ayeke baa ye ni na le ti lo si kamene ayeke gbu le ti lo; wato ti mbi so ayeke hunda lani mbi, atene: “KOTA GBIA, Nzapa ti mo ni ayeke na ndo wa?” Fade mbi yeke baa lo na le na ndembe so a yeke do lo na gere, tongana ti so a yeke do potopoto na lege.

Amos 7:5

Tongaso mbi tene: “Kota Gbia NZAPA, mbi gbu gere ti mo, zia ni! Fade Jacob alingbi ti gbu le ni? So lo ngba kete mingi so!”

Ezekiel 20:9

Mbi sara tongaso ti bata nengo ti mbi si iri ti mbi abuba pepe na le ti amara nde so akotara ti ala alango ando na popo ti ala. Biani, na le ti amara ni so laa mbi sara si ala hinga mbi, na lege so mbi sara si azo ti Israel asigigi na Ezipte.

Ésaïe 37:20

Me mo KOTA GBIA, Nzapa ti e, soo e na maboko ti Senakerib; tongaso si akodro-gbia ti sese kue ahinga atene, gi mo oko KOTA GBIA laa mo yeke Nzapa.”

Abia (Psaumes) 89:51

Kota Gbia, dabe ti mo na zonga so azo azonga na azo ti kua ti mo; dabe ti mo na zonga ti gba ti amara so a zia na li ti mbi so.

Abia (Psaumes) 89:41

Mo kungbi gbagba ti lo kue awe, mo buba ngangu gbagba ti lo kue.

Abia (Psaumes) 79:4

Azo so ayeke nduru na e azonga e, azo so angoro e ahe e na ngia, e ga buba ye na le ti ala.

Abia (Psaumes) 74:10

Nzapa, zo ti kengo mo ayeke ngba ti zonga mo ngbii asi lawa? Fade wato ayeke ngba ti zonga iri ti mo lakue?

Abia (Psaumes) 42:10

Mbi ye ti tene na Nzapa, kota têne so mbi luti na ndö ni ti bata tere ti mbi, mbi tene: “Mo girisa mbi ngbanga ti nyen? Ngbanga ti nyen si mbi duti gi na vundu si awato ti mbi ayeke sara ngangu na mbi so?”

2 Mbai 8:12

Tongaso, Salomon amu *asandaga so a yeke gbi ni kue na wâ na KOTA GBIA na ndö ti gbalaka so lo sara ndali ti KOTA GBIA na dawa ti yanga ti kubu so a yeke hon daa ti li na ya ti kota da ti Nzapa.

Ndia ti fani use ni 32:27

Me mbi sara mbeto titene awato ti ala ahe ala; mbi sara mbeto titene azo ti kengo ala ahanda tere ti ala pepe, atene: ngangu ti maboko ti e laa asara ye so, KOTA GBIA laa asara ni pepe!

Matthieu 27:43

Lo zia be ti lo na Nzapa si lo tene: ‘Mbi yeke Molenge ti Nzapa.’ Nzapa ni aga azi lo fadeso, e baa!”

Malashii 1:9

Fadeso, ala tara ti voro tere ti ala na mbi, Nzapa titene mbi baa mawa ti ala! Na peko ti ye so ala sara so, fade mbi yeke kiri ti yamba ala na nzoni be? Tënë so KOTA GBIA so ayeke na ndö ti dunia kue atene laa.

Néhémie 9:36

Laso, e yeke angbaa! E yeke angbaa na ya ti sese so mo mu na akotara ti e titene ala baa nzoni na lege ti anzoni le ti kobe ti yaka.

Joël 1:13

Ala awayango-sandaga, ala yu bongo ti mua, ala toto; ala so ayeke sara kua na tere ti gbalaka, ala dema tere ti ala! Ala azo so ayeke sara kua ti Nzapa ti mbi, ala ga, ala yu bongo ti mua, ala lango na ni na bi kue, ngbanga ti so azo ayeke na sandaga ti *ble na ti samba pepe ti ga na ni na ya ti kota da ti Nzapa.

Abia (Psaumes) 42:3

Tongana ti so nzara ti ngu ayeke sara zo, nzara ti Nzapa so ayeke na fini ayeke sara mbi legeoko tongaso. Lawa laa mbi yeke li na ya ti kota da ti lo ti luti na dawa ti lo so?

2 Mbai 7:20

fade mbi yeke gboto ala na sese ti mbi tongana ti so a yeke gboto pere; sese so mbi mu na ala so. Kota da so mbi zia ni nde ndali ti mbi wani, fade mbi yeke bi ni yongoro na le ti mbi, mbi yeke sara titene aga mbeni ye ti *mato nga na ye so azo kue ayeke he na ngia.

1 Agbia 9:7

fade mbi yeke zi ala, azo ti Israel, na sese so mbi mu na ala. Kota da so mbi zia ni nde ndali ti mbi, fade mbi yeke bi ni yongoro na le ti mbi si azo ti Israel aga mbeni ye ti *mato nga na ye so azo kue ayeke he na ngia.

Ndia ti fani use ni 28:37

Na ndo ti amara so kue KOTA GBIA ayeke gue na ala daa, fade li ti azo ni kue ayeke kpe ndali ti ye so asi na ala. Ala yeke ga mbeni ye ti *mato na ye so azo ayeke he na ngia.

Wungo ti azo 25:6

Na ndembe ni so, mbeni zo ti Israel amu mbeni wali ti mara ti Madian, lo ga na lo na popo ti azo ti Israel, taa na le ti Moïse nga na le ti bongbi ti azo ti Israel kue. Andaa azo ti Israel abongbi na yanga ti da ti bongo so KOTA GBIA na azo ti lo ayeke wara tere daa si ala yeke toto.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Josué 7:9

Fade azo ti Kanaan na azo ti kodro ni kue ayeke ma tënë ni; ala yeke bongbi ti ga na ndö ti e si ala yeke hunzi e kue. Nyen laa mo yeke sara ande ti fa atene, mo yeke kota?”

Abia (Psaumes) 42:4

Bi na lâ, ngu ti le ti mbi ayeke sua, aga tongana kobe ti mbi ti tengo ni. Azo ayeke hunda mbi lakue, atene: “Nzapa ti mo ni ayeke na ndo wa?”

Abia (Psaumes) 42:11

Azo ti kengo mbi ayeke zonga mbi; ala yeke hunda mbi lakue, atene: “Nzapa ti mo ni ayeke na ndo wa?” Atënë ti ala ni aye ti fâ ya ti abio ti mbi kue.