Jérémie 8:2 - Mbeti ti Nzapa - Tënë so amu fini

² A yeke gbara abio ni na gbe ti lâ, na gbe ti nze nga na gbe ti gba ti atongoro. Aye le ti nduzu ni so, azo aye ala ando mingi; azo ni ayeke sara kua na ala, ala mu tere ti ala na ala, ala yeke kpe na peko ti ala; ala yeke voro ala. Abio ni so, a yeke ro ni pepe; a yeke lu nga ni pepe. Fade alango na ndö ti sese ti ga tongana puru na ndö ti sese.

Jérémie 8:2 Referans Kwoze

2 Agbia 23:5

Yosias atumba awayango-sandaga so ayeke taa awayango-sandaga pepe, ala so agbia ti Juda asoro ala titene ala zö dukani na ando so azo aleke na ndö ti ahoto ti voro anzapa nde daa so; ala so ayeke na ya ti agbata ti Juda nga na ya ti akodro so ayeke na tere ti Jérusalem. Lo tumba nga awayango-sandaga so ayeke zö dukani ndali ti Baal, ndali ti lâ, ndali ti nze, ndali ti atongoro nga ndali ti aye mingi mingi so ayeke na le ti nduzu.

Awatokua 7:42

Nilaa Nzapa azia ala titene ala voro atongoro ti yayu, tongana ti so a tene tënë ni na ya ti mbeti ti awayanga-Nzapa, atene: ‘Ala azo ti Israel, anyama so ala fâ nga na sandaga so ala mu na ya ti ngu baleosio so ala sara na benyama so, ala ga na ni na mbi?

Jérémie 9:22

Tënë so KOTA GBIA atene ayeke so: “Ayeke nzoni zo ti ndara agonda tere ti lo pepe ndali ti ndara so lo yeke na ni! Ayeke nzoni zo ti ngangu agonda tere ti lo pepe ndali ti ngangu so lo yeke na ni! Ayeke nzoni zo ti mosoro agonda tere ti lo pepe ndali ti mosoro so lo yeke na ni!

Ndia ti fani use ni 4:19

Tongana ala yo le ti ala na nduzu ti baa lâ, nze, atongoro, na aye so kue ayeke mingi mingi na le ti nduzu, mbeni ye ahanda ala pepe ti kuku na gbe ti aye ni, ala voro ala nga pepe. KOTA GBIA Nzapa ti ala azia aye ni so na tanga ti amara ti ndö ti sese so.

Sofonii 1:5

Fade mbi yeke hunzi azo so ayeke gue na li ti ada ti voro lâ, nze nga na atongoro, mbi yeke hunzi azo so ayeke voro mbi *KOTA GBIA si ala yeke deba na iri ti mbi, me na pekoni, ala yeke deba nga na iri ti yanda ti ala Milkom.

Ezekiel 8:16

Lo mu mbi, lo gue na mbi na ya ti gbagba ti kota da ti lo. Na yanga ti ndo so ayeke nde si ayeke nzoni kue, ambeni koli so li ti ala nduru na baleuse na oku aluti na popo ti ya ti gbagba ni na gbalaka. Ala zia peko ti ala na ndo so ayeke nde si ayeke nzoni kue so si ala yeke baa ndo na mbage so lâ ayeke londo daa. Ala yeke kuku akpo li ti ala na sese ti voro lâ.

Jérémie 36:30

Tongaso, tënë so KOTA GBIA atene na tere ti Yoakim, gbia ti Juda ayeke so: Fade mbeni zo oko ti sewa ti lo ayeke duti pepe na ndö ti mbata ti gbia David. Kuâ ti lo ayeke lango na gigi na gbe ti sungo ti lâ nga na ya ti de ti bi.

Jérémie 22:19

Fade a yeke lu kuâ ti lo tongana ti nyama, a yeke gboto kuâ ti lo na sese ti bi na gigi, yongoro na ayanga ti gbagba ti Jérusalem.”

Jérémie 19:13

Mbi yeke sara si ada ti azo ti Jérusalem na ada ti agbia ti Juda aga *sioni tongana ndo so ayeke na Tofet. Biani, na li ti ada so kue, azo azö dukani ndali ti gba ti atongoro, ala tuku samba ti mu na sandaga na anzapa nde.”

Jérémie 16:4

Fade ngangu kobela ayeke fâ ala; zo ayeke toto kuâ ti ala pepe, zo ayeke lu nga kuâ ti ala pepe. Me ala yeke ga tongana puru na ndö ti sese. Fade bira na nzara ayeke fâ ala si kuâ ti ala ayeke ga kobe ti andeke ti nduzu na ti anyama ti sese.”

Abia (Psaumes) 83:10

Sara na ala tongana ti so mo sara na Madian, tongana ti so mo sara na Sisra nga na Yabin na yanga ti ngu ti Kishon.

2 Agbia 21:3

Ando so azo aleke na ndö ti ahoto ti voro anzapa nde daa, babâ ti lo Ezekias azi ni kue; me Manase akiri aleke ni. Lo sara agbalaka ndali ti *Baal, lo leke mbeni keke aluti na nduzu ndali ti nzapa-wali *Ashera tongana ti so Akab, gbia ti Israel asara ando. Manase akuku na gbe ti aye mingi mingi so ayeke na le ti nduzu si lo sara na ala.

Sofonii 1:17

“Fade mbi yeke sara titene ye ti ngangu aga na ndö ti azo, ala yeke tatara ndo tongana awaziba, ngbanga ti so ala sara siokpari ti ke mbi KOTA GBIA. Fade a yeke tuku mene ti ala tongana fuku ti sese, a yeke tuku kuâ ti ala tongana zende.”

Zo ti bongbingo azo 6:3

Mbeni zo alingbi ti du amolenge ngbangbo oko si lo lango ngu mingi na ndö ti sese so. Me tongana lo duti nzoni pepe si a wara nzoni ndo ti lu kuâ ti lo daa pepe, mbi tene: molenge so a du lo na kuâ ni aduti nzoni ahon zo ni so.

2 Agbia 21:5

Lo leke agbalaka na ya ti agbagba use ti kota da ti KOTA GBIA ndali ti aye mingi mingi so ayeke na le ti nduzu.

2 Agbia 17:16

Ala zia lege ti atënë kue ti yanga ti KOTA GBIA, Nzapa ti ala, ala mu wen akporo ni si ala leke na ayanda use ti bagara, ala leke mbeni keke aluti na nduzu ndali ti nzapa-wali Ashera. Ala voro aye so kue ayeke na le ti nduzu si ala sara na nzapa *Baal.

Ndia ti fani use ni 17:3

lo mu peko ti ambeni nzapa nde, lo kuku na gbe ti ala ti voro ala. Ataa lâ, wala nze na aye so ayeke mingi mingi na le ti nduzu, zo ni akuku na gbe ti ala ti voro ala. Laoko KOTA GBIA amu yanga na ala ti sara ye tongaso pepe!

Abia (Psaumes) 53:5

Nzapa atene: “Azo ti sarango sioni so, ala hinga ye oko pepe! Ala yeke te azo ti mbi na mbana tongana ti so ala yeke te kobe ti ala; ala ke ti hunda ye na mbi.”

Jérémie 14:16

Azo so awayanga-Nzapa ni atene tënë ni na ala so, fade bira na nzara ayeke fâ ala; a yeke bi kuâ ti ala kirikiri na ndö ti alege ti Jérusalem, zo oko ti lu kuâ ni ayeke daa pepe, ala na awali ti ala nga na amolenge ti ala ti koli na ti wali. Sioni so azo ni asara so, fade mbi yeke sara si akiri gi na li ti ala wani.

Jérémie 16:11

Tongaso, fade mo yeke kiri tënë: ‘So tënë ti yanga ti KOTA GBIA laa: Kota kpale ni ayeke ti na ndö ti ala, ngbanga ti so akotara ti ala ado mbi, azia, ala mu peko ti anzapa nde ti voro ala, ala ti akpo li ti ala na sese na gbe ti ala. Me mbi, akotara ti ala ni ado mbi, azia, ala ke ti sara ye alingbi na ye so mbi fa na ala.

Jérémie 31:40

Popo-hoto so kue a yeke bi akuâ daa si a yeke tuku amburu ti wâ ti mafuta ti anyama daa, na asenge sese so ague ngbii asi na tere ti ngu ti Sedron, akiri ague ngbii asi na ndangoro ti yanga ti gbagba so iri ni Ambarata, na mbage ti To; asese so kue, fade a yeke zia ni nde ndali ti KOTA GBIA; zo ayeke kiri ti gboto ye daa wala ti kungbi ye daa pepe.”

Ezekiel 6:5

Mbi yeke sara si kuâ ti ala, azo ti Israel, alango kirikiri na sese na gbe ti ayanda ti ala; mbi yeke kangbi abio ti ala na tere ti agbalaka ti ala angoro ni kue.

Ezekiel 29:5

Mbi yeke bi mo na asusu ni kue na benyama. Mo yeke kui na ndö ti sese, zo oko ti mu kuâ ti mo ayeke daa pepe, zo oko ti lu mo ayeke daa pepe. Mbi yeke sara titene mo ga kobe ti anyama ti sese na ti andeke ti nduzu.

Abia (Psaumes) 83:11

A fâ ando ala na tere ti du ti ngu ti Dor; kuâ ti ala aga tongana puru na ndö ti sese.

Jérémie 9:20

“Biani, kuâ asi na tere ti fenetere ti e awe; lo li na ya ti apendere da ti e awe. Lo fâ amolenge na ndö ti alege; lo fâ amaseka na ndö ti abalabala.”

Jérémie 9:21

“Ti mo Jérémie, mo tene: So tënë ti yanga ti KOTA GBIA laa: ‘Kuâ ti azo ayeke lango na sese tongana puru na le ti yaka, tongana ale ti kobe so azo ti fango ale ti kobe afâ ni si ati na sese si zo ti rongo ni ayeke daa pepe.’ ”

Jérémie 16:6

Na ya ti kodro so, fade akota zo na akete zo ayeke kui; a yeke lu kuâ ti ala pepe, a yeke toto kuâ ti ala pepe si zo ti suru tere ti lo na ka, wala ti kio kua ti li ti lo ndali ti ala ayeke daa pepe.

Jérémie 25:33

Na lango ni so, azo so KOTA GBIA afâ ala, kuâ ti ala ayeke lango na sese, ti londo na yanga ti sese asi na mbeni yanga ni; a yeke toto kuâ ti azo ni pepe; a yeke ro akuâ ti ala pepe, a yeke lu ni pepe. Akuâ ni ayeke ga tongana puru na ndö ti sese.

Ezekiel 39:5

Mo yeke kui taa na ya ti ngonda, ngbanga ti so mbi tene tënë awe. So tënë ti yanga ti Kota Gbia NZAPA laa.