Jérémie 7:16 - Mbeti ti Nzapa - Tënë so amu fini

¹⁶ “Jérémie, mbi ye titene mo sambela ndali ti azo so pepe. Mo toto wala mo voro tere ti mo na mbi ndali ti ala pepe; mo ngba ti sambela mbi ndali ti ala pepe, ngbanga ti so fade mbi yeke ma mo pepe.

Jérémie 7:16 Referans Kwoze

Jérémie 11:14

Ti mo Jérémie, mo sambela ndali ti azo so pepe, mo sambela wala mo voro tere ti mo na mbi ndali ti ala pepe, ngbanga ti so fade mbi yeke ma ni pepe, tongana ye ti ngangu asi na ala si ala iri mbi ti mu maboko na ala.”

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Sigingo 32:10

Fadeso, zia mbi! Ngonzo ti mbi ayeke londo na tere ti ala tongana wâ si mbi yeke hunzi ala kue. Na pekoni, mbi yeke sara titene mbeni kota mara abaa gigi na lege ti mo.”

Jérémie 18:20

Zo ayeke kiri sioni ndali ti nzoni? Awato ti mbi ni asara kuku ti gbu na mbi. KOTA GBIA, mo dabe ti mo so mbi laa mbi luti na le ti mo ti tene na mo nzoni tënë ndali ti ala titene mo zia ti sara ngonzo na tere ti ala.

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

1 Jean 5:16

Tongana mbeni zo abaa ita ti lo na sarango siokpari, mbeni siokpari so ague na lo na kuâ pepe, alingbi lo sambela si fade Nzapa amu fini na ita ti lo so. Tënë so ayeke ndali ti azo so ayeke sara siokpari so ague na zo na kuâ pepe. Mbeni siokpari ayeke daa so ayeke gue na zo na kuâ, mara ti siokpari so laa mbi hunda na ala ti sambela ndali ni pepe.

Mishe 3:4

Ndani laa, na ngoi so ala yeke dekongo ti iri *KOTA GBIA, lo yeke kiri tënë na ala pepe. Fade lo yeke honde le ti lo na ala ndali ti asioni ye so ala sara.

Ndia ti fani use ni 9:14

Mo zia na mbi lege: mbi ye ti fâ ala kue, mbi ye ti zi iri ti ala biani biani na ndö ti sese so. Na pekoni, na lege ti mo, mbi yeke sara titene mbeni ngangu mara abaa gigi, mbeni mara so ayeke kota ahon mara ti azo ti Israel.”

2 Samuel 8:18

Benaya, molenge ti Yoyada ayeke makonzi ti azo ti Kereti na ti Peleti, azo ti batango gbia; amolenge ti David ayeke nga awayango-sandaga.

Jérémie 7:17

Aye so ala sara na ya ti agbata ti Juda nga na ndö ti alege ti Jérusalem so, mo baa ni pepe?

Jérémie 15:6

So tënë ti yanga ti KOTA GBIA laa: Mo laa mo zia mbi, mo zia peko ti mo na mbi. Nilaa mbi yoro maboko ti mbi ti fâ mo. Mbi baa mawa ti mo alingbi awe.

Jérémie 4:28

Ndani laa, fade sese ayeke mua si le ti nduzu, yongoro na nduzu kâ ayeke vuko. Mbi tene tënë so awe, awe! Be ti mbi ayeke so daa pepe; mbi yeke kiri na ndö ni mbeni pepe.”